Aksidente entre outo i skuter
Riba djamars 18 di ougùstùs un aksidente entre un outo I n skuter a tuma lugá na Amboina. E skuter a kore bai dal den e outo. Na yegada di patruya shofùr di e skuter mes a bai hospital kaba. Despues di investigashon mas aleu a resultá ku e shofùr aki no tabatin un reibeweis ni dokumentunan di seguro bálido i el a haña un prosèsferbal pa esaki. A hiba e skuter warda pa ward’e.

A topa kurpa sin bida

Riba djamars 17 di ougùstùs, den oranan di mainta, a topa un kurpa sin bida na un akomodashon turístiko situá na Kaya Inglatera. Dòkter ku tabata presente na e sitio a konstatá ku ta trata di un morto natural. Ta trata di un hòmber di inisial H.R. di 45 aña di edat.

Ladronisia for di outo
riba djamars 17 di ougùstùs a drenta keho di ladronisia for di un outo ku tabata stashoná na un kompleho di apartamentu situá na Kaya J.N.E. Craane. Deskonosínan a bai ku sèn kèsh for di den e outo. Ta investigando e kaso.

A kita skuter durante di kòntròl
Durante un kòntròl rutinario den e mardugá di djamars 17 di ougùstùs a kontrolá shofùr di un skuter despues di kua a kita e skuter pa bai ward’e. E shofùr no tabatin hèlm bisti ni tampoko tabatin reibeweis ni papelnan di seguro bálido. E skuter ta keda wardá te na momentu ku por mustra un prueba di seguro bálido.

Share This
error: Content is protected !!