Tur alumno i studiante di SGB mester tene kuenta ku e siguiente asuntunan:

Informashon di unidat di SLP
Djamars 24 ougùstùs 2021 di 7:30 t ku 10:30
Klas 1 di Pro ta wòrdu spera na departamento di SLP na Kaya Frater Odulfinus z/n.
Cluster 3, cluster 4, ISK, klas 5 di Pro I EO (MBO 1) ta wòrdu spera nan nan mes lokalidat
Djárason 25 ougùstùs 2021 di 7:30 pa 12:30
Klasnan 2, 3 i 4 di PRO ta wòrdu spera na e lokalidat di SLP na Kaya Frater Odulfinus z/n.
Djabièrne 27 di ougùstùs 2021
Klas 1 i 2 tin un dia di deporte. E otro klasnan tin lès segun nan roster

Unidat VMBO
Djamars 24 di ougùstùs 2021 di 7.30 te ku 12.00
Alumnonan di klas 1 di VMBO ta keda sperá den oula di SGB na Kaya Frater Odulfinus z/n.
Djarason 25 di ougùstùs 2021, alumnonan di klasnan 2, 3 i 4 di VMBO, ta keda sperá na Kaya Frater Odulfinus z/n.
Klasnan 4 di 7.30 te ku  8.30
Klasnan 2 di 8.00 te ku 12.00
Klasnan 3 di 8.45 te ku 12.00
Djaweps 26 di ougùstùs 2021 ta inisiá ku e lèsnan segun e roster.

Unidat Liseo Mavo/ Havo/ Vwo
Djamars 24 di ougùstùs i djárason 25 di ougùstùs 2021 di 07.45 te ku 12.30 or
Alumnonan di klasnan Mavo 1, Havo 1 i VWO 1 ta keda sperá riba e tereno di Liseo Boneriano na Kaya Amsterdam z/n, pa habri e aña eskolar. E dos dianan aki ta pa sera konosí serka nan mèntor i klas i tambe lo risibí nan roster.
Lèsnan pa e klasnan 1 lo kuminsá según roster riba djaweps, 26 di ougùstùs 2021.

Djamars 24 di ougùstùs 2021 di 07.45 te ku 11.00 or
Alumnonan di klasnan Mavo 2-3-4, Havo2-3-4-5 i VWO 2-3-4-5-6 ta keda sperá riba e tereno di Liseo Boneriano na Kaya Amsterdam z/n, pa habri e aña eskolar. E promé dia di skol ta pa sera konosí serka nan mèntor i klas i tambe lo risibí nan roster.
Lèsnan pa e klasnan Mavo 2-3-4, Havo2-3-4-5 i VWO 2-3-4-5-6  lo kuminsá según roster riba djàrason 25 di ougùstùs 2021.

Durante di e promé lèsnan e docente konserní lo repartí buki i materialnan.
Orario di komienso diariamente pa Mavo/ Havo/ Vwo ta 07.45 or

MBO Bonaire
Djaluna 23 di ougùstùs 2021, di 13.00 pa 16.00 or, ta tuma lugá un dia di inskripshon habrí pa tur hende ku ainda no a skohe pa un estudio MBO. Mesora lo hasi un kòmbersashon di atmishon.
Si bo tin un diploma di MAVO òf VMBO, bo mester sigui un estudio MBO! Bo no tin mag di stòp ku skol sin mas. Bo por inskribí via e wèpsait di skol.

Dianan di instrukshon estudionan BOL
Djaweps 26 di ougùstùs
Nos ta spera tur studiante di BOL di aña 2, 3 òf 4 na skol serka nan SLB-er. E LB-er lo tuma kontakto ku e studiante pa e orario.

MBO
Djabièrnè 27 di ougùstùs
07.45 or ta spera tur studiante di BOL di promé aña (aña 1) riba plenchi di skol di MBO Bonaire pa un programa di introdukshon.

Komienso di lès
For di 30 di ougùstùs promé siman di lès di estudionan BOL/BBL Kok, HRM, Techniek en Beveiliger ta kuminsá.
E rosternan ta riba e wèpsait www.MBOBonaire.com.

BBL- Welzijn (Kinderopvang HZW/PM en GPM) en Maatschappelijke Zorg (PBSD en BSD)
BBL-studiante lo risibí informashion die programa di introdukshon serka nan teamleider

Entréga di dokumento
Si bo no a entregá bo diploma i lista di sifra i/òf sédula ainda, hasi esaki promé ku skol kuminsá. Si bo no tin
18 aña ainda, pidi bo mayornan òf tutor pa bini huntu ku bo.
For di 16 di ougùstùs 2021 sekretariado ta habrí tur dia di 8.00 pa 16.00 or.

Paga pa buki
Pa pago di sèn di buki, e studiante òf su representante legal ta risibí un faktura di MBO. Mester hasi un pago mínimo di 50% di e suma total di sèn di buki promé ku dia di entrega di buki den ougùstùs. E suma ku resta por paga ku “standing order” via banko. E studiante mester entregá e apoderashon (machtiging) na Departamentu di Finansa (Afdeling Financiën).
Por paga sèn di buki via online banking riba kuenta di banko di SGB MCB #86821000 òf ku karchi di banko (pinpas) na Departamentu di finansa di SGB na Kaya Frater Odulphinus z/n.
Departamentu di finansa ta habrí di djaluna t/k djaweps di 10.00 pa 14.00 or. Por paga for di 18 di ougùstùs.

Buska buki
Ku un komprobante di pago un studiante por buska su bukinan den e kònteiner di buki (plenchi di skol MBO), tur dia di 08.00 pa 12.00 or i 13.00 pa 16.00 or. Esaki ta posibel for di djamars 24 di ougùstùs. Tur studiante mester tin su pakete di buki promé ku promé dia di lès kuminsá.

Unifòrm di skol i artíkulonan di skol
E polo shirtnan pa tur unidat ta optenibel na Alfa en Omega na Kaya Nikita 3, banda di Flamingo TV.
Ta spera di e alumno òf studiante ku for di e promé dia di skol ku e ta bisti e unifòrm di skol di su sekshon (SLP, VMBO, Liseo òf MBO), karson largu, sapatu será i akomodá ku tas fuerte (ròltas tambe por).

Artíkulonan di skol:
Pa alumnonan di SLP e siguiente materialnan e alumno mester tin serka dje e promé  dia di school ta: agenda, etui, pen, pòtlot, kleurpòtlot, gum, sleiper, leim i e Tablet di school.
Alumnonan di VMBO i Liseo tambe mester sòru pa desde e promé dia di skol pa tin e siguiente artíkulonan huntu ku nan: Agènda, estuche, pèn, pòtlot, steft di koló, gùm, sleiper, un steft di leim, mashin di konta Casio FX-82 (ES Plus), geotriángulo (geodriekhoek), paser i un dikshonario Nt2.

Uniform SLP:
E poloshirt di e alumnonan di VSO/Cluster 3 tin kada dia  ta un koló. E dosentenan di VSO/Cluster 3 lo tuma kontakto ku mayornan personalmente pa por kumpra e ploshirtnan.
Tur otro alumno/ studiante di e unidat di SLP lo bisti pa aña eskolar 2021-2022 un poloshirt blou ku e logo di SGB. Skol lo obsekia tur alumno 2 poloshirt gratis na kada alumno i si tin mester di mas poloshirt di uniform lo por buska na Alpha i Omega. Lo risibí e 2 poloshirtnan gratis, e promé dia di skol!

Uniform VMBO:
Klasnan 1 i 2:                             Turquoise ku  kraag shinishi.
Klasnan 3 i 4:
Techniek                                     shinishi ku  kraag berde.
Horeca, Bakkerij en Recreatie               shinishi  ku kraag turquoise
Economie en Ondernemen                    shinishi ku kraag turquoise
Zorg en Welzijn                                      shinishi  ku kraag korá

Uniform Liseo MAVO/ HAVO/ VWO:
Na Alfa en Omega por skohe for di e kolornan disponibel pa e unidat Liseo Boneriano.

Uniform MBO Bonaire:
Por buska polo shirt na Alfa i Omega, ku eskoho for di e selekshon di koló destiná pa MBO Bonaire.

Direktorado di SGB ta deseá tur kolaboradó, alumno, studiante i nan mayornan òf tutor, un aña eskolar agradabel, edukativo i eksitoso.

Share This
error: Content is protected !!