Parokia di Playa ta di fiesta próksimo djadumingu  22 di ougùstùs pa 9’or di mainta, en konekshon ku Fiesta di su Patrono San Bernardo;

En konekshon ku esaki lo tin un triduo promé ku e dia 22, kuminsando djaweps 19 di ougùstùs; pa mitar di 7’or anochi lo resa Santu Rosario i e siguiente dos dianan tambe, 20 ougustus ku ta e dia di nos Santu, i djasabra 21 di ougustus na mesun ora en preparashon pa e dia di fiesta di San Bernardo, kende tabata Abat i Doktor di Iglesia, aki tambe Patrono di nos parokia aki na Playa na su honor.

San Bernardo ta un ehèmpel pa praktiká di birtut kristian i su amor i deboshon pa Dios i pa su próhimo ta reflehá den su obranan teológiko i spiritual. San Bernardo a skirbi hopi tambe na honor di Mama di Señor, La Birgen Maria.

Mara nos tambe por siña kon hiba un bida kristian den nos ambiente na un manera agradabel den bista di Dios.

 

 

Pueblo katóliko di Boneiru ta invitá pa akudí na e selebrashon aki i ban selebrá huntu ku nos rumannan di Parokia di Playa den e tres dia aki di Triduo pa 7’or anochi i pa e dia di Fiesta patronal djadumingu awor 22 di ougustus pa 9’or di mainta.

Nos ta invita tambe na e Santu Rosario mitar di 7 anochi riba dianan di Triduo.

Tene kuenta ku pa djaweps den dia a kanselá e adorashon akustumbrá.

 

 

 

Masha danki i te na un otro oportunidat.

 

 

Pastor Santiago Malagon Pedraza,

Parokia San Bernardo,

Share This
error: Content is protected !!