Kralendijk – Pa final di luna yüli 2021, detenido nan di JICN a haña informashon ku nan por kuminsá haña bishita bek, despues di 1 aña y 5 luna.
E bishita mester a kuminsá dia 6 Ougùstùs 2021.  Diripiente dia 5 Ougùstùs 2021 e detenido nan ta wòrdu informá ku e bishita ta wòrdu kanselá.
Ora e detenido nan a tende ku nan bishita a wòrdu para nan a rabia y ta tin ku a kuminsá zundra y bisa ku ora di sera e sel nan, nan lo no drenta nan sel pa protesta ku un dia promé ku dia di bishita, ta para nan bishita. E motibu ku a para e bishita, ta ku ta pa motibu di Covid, esaki  nan e bisa e detenido nan ta dor di Covid.
Pero JICN ta kai bou di  Rijksdienst hulandes, pero na Hulanda mes ku nan kasonan di Covid ta mas haltu, einan si e detenido nan ta haña nan bishita normal.
Ta p’esei e detenido nan ta bisa ku e gerensia di JICN na Bonaire ta aktua ku diktadura i no ku un maneho humano.
Tur hende sa ku Covid lo no bai mas i ta pa es motibu ei tin tur e kos nan pa protehá nos mes kontra di dje, paso bida tin ku sigui.
Pero ta parse ku JICN so no ke pa e bida di e detenido nan sigui, te ainda nan no a bisa ki dia e bishita nan lo kuminsá bek.
Paso meskos ku a pone fecha pa e por a kuminsá y a para esaki bek, mester por plania un fecha pa por kuminsá bek kuné.
Ami komo un mayor ku tin un yu den JICN mes no por kaba di komprondé e maneho ku JICN Bonaire ta hibando.
Dikon no ta sali papia ku e pueblo famianan di e presu nan ku ta un ser humano i tin famia. Dikon no ta manda un komunikado i splika kiko ta e plan òf e maneho ku lo bai hiba pa ku e parti di bishita na JICN.

Mi ke pa prensa puntra e gerensia di JICN ki dia e bishita lo kuminsá bek.

 

Share This
error: Content is protected !!