Djaluna 9 ougùstùs 2021 i djárason 11 ougùstùs 2021 Sentro Hubentut i Famia tabata tin klousura di su kursonan di “Konosé bo kurpa 6-8 aña i 9-11 aña”.

E kursonan aki tabata tin 6 enkuentro kaminda ku e muchanan di 6-8 aña por a siña diferente tópikonan manera: konosé bo kurpa, higiena di partinan di kurpa, partinan privá i desaroyo di e beibi den barika di e mama, norma, balor i balor propio.                                                Na e kurso di konosé bo kurpa 9-11 aña e muchanan por a siña tópikonan manera: kambionan di kurpa i pubertat, partinan di órgano seksual, menstruashon i ehakulashon, higiena di órgano seksual, norma balor i balor propio.

Sentro Hubentut i Famia ta felisitá tur e muchanan ku a partisipá den e kursonan di “Konosé bo kurpa”

Tur mayor ku ta interesá pa nan yu partisipá den e kursonan di “Konosé bo kurpa” por pasa na nos ofisina na Kaya Princes Marie #7 i inskribí nan yu pa e próksimo kursonan.Pa mas informashon por tuma kontakto ku Plozee Bernabela 701-5260 òf Lubianka Janga 701-5261.

 

Share This
error: Content is protected !!