Kralendijk – Entidat Públiko Bonaire ta pidi tur pa tene kuenta ku skolnan ta bai kuminsá atrobe. Despues di un temporada largu di fakansi tin ku kustumbrá atrobe espesialmente den tráfiko di mainta i mèrdia ora ta hiba i buska e alumnonan for di skol.

Ku e muchanan no a sinta ketu durante fakansi a ripará na Entidat Públiko Boneiru.  Hopi mucha a bishitá e kantor di Kolegio Ehekutivo i diferente departamento durante nan fakansi. Einan a duna nan splikashon di e trabounan i kon e organisashon gubernamental ta hinka den otro.

Awor ku e skolnan ta kuminsá atrobe Entidat Públiko Boneiru kier deseá tur alumno i tur ku ta duna les hopi éksito ku e aña eskolar nobo.

Share This
error: Content is protected !!