Nos tin e obligashon amargo di anunsiá ku nos a pèrdè e kaso di ASOTEKO tokante tereno di erfpacht. Ami komo abogado ta rekonosé ku mi a hasi un fout.

Pero nos di ASOTEKO NO ta entregá. ASOTEKO ta e Asosashon pa Otorgamentu di Erfpacht sin Korupshon. E asosashon aki lo sigui lucha te ora gobièrnu ta respetá ku tereno públiko ta di pueblo, nò di gobièrnu. Y ku tur hende ku ta kumpli lo haña un tereno.

Den e kaso di Penshun di Behes (AOV) nos tambe a pèrdè na promé instansia. Tabata pa otro motibu y na otro manera, pero resultado tabata igual. Pero despues a apelá y gana. Den e kaso di ASOTEKO tin ku kuminsá di nobo den Korte Sivil. Nos lo hasi’é.

Nos mester ta kla. E kasonan aki NO ta fásil. Nos NO ta primintí ku nos lo gana. Pero tin ku sigui, pasobra e kaso aki ta hustu. Si nos ta pèrdè dos biaha, nos lo sigui tòg, pasobra tin 1.180 hende na Boneiru ketu bai ta wardando riba nan tereno. Asta for di promé ku 2010! Y te ainda gobièrnu NO ta preparandotereno nobo pa por kumpli ku su deber. Tanten ku no tin sufisiente tereno pa duna na esnan ku ta kumpli ku tur rekisito, e merkado pretu y korupshon lo sigui.

Nos mester di sosten di pueblo pa por gana e kaso aki. Polítika a djis kontradesí tur kos den Korte pa nan por sigui ku e korupshon. Pabien gobièrnu! Bo a gana! Nos ta spera ku bo ta kontentu ku e 1.180 hende mester sigui warda.

Polítika lo NO yuda nos. Tur gobièrnunan anterior, tantu bèrdè komo kòrá y blou a kousa e situashon aktual.

Ta pueblo mes mester lanta na un forma respetuoso den Korte pa haña un solushon.

Ta p’esei nos ta hasi un yamada riba hende fuerte pa sali dilanti awor y duna ASOTEKO un man. Lo yama un reunion públiko pronto.

DE WEDERGEBOORTE VAN ASOTEKO

Wij hebben de bittere plicht om mee te delen dat de ASOTEKO-zaak in eerste aanleg is verloren. Ik als advocaat erken dat ik een fout heb gemaakt.

Maar ASOTEKO geeft niet op. ASOTEKO is de Vereniging die zich inzet voor Erfpachtuitgifte zonder Corruptie. Deze vereniging gaat net zo lang door, totdat onze regering erkent dat domeingrond toebehoort aan het volk, niet aan de regering. En datiedereendieaan de eisenvoldoet, eenterreinmoetkrijgen.

In de AOV-zaak hebben we in eerste aanleg ook verloren. Dat was om andere reden, maar het resultaat is hetzelfde. We zijn in beroep gegaan en hebben gewonnen. In de ASOTEKO-zaak moeten we opnieuw beginnen in bij de Burgerlijke Rechtbank. Dat gaan we doen.

We moeten wel duidelijk zijn. Dit soort zaken zijn niet eenvoudig. Wij beloven NIET dat we gaan winnen. Maar we zetten door, omdat dit een rechtvaardige zaak is. Ook als we twee keer verliezen, zetten we door, omdat 1.180 mensen nog steeds wachten op een terrein. Zelfs vanaf vóór 2010! En nog steeds worden geen kavels klaar gemaakt. Zolang er niet genoeg kavels zijn voor diegenen die aan alle eisen voldoen, blijft de zwarte markt en de corruptie bestaan.

Wij hebben volkssteun nodig. De politiek heeft in de rechtszaken alles ontkend om te kunnen doorgaan met de corruptie. Gefeliciteerd! Jullie hebben gewonnen! Wij hopen dat jullie er blij mee zijn dat er nog steeds 1.180 wachtenden zijn.

Men ziet, de politiek zal niet helpen.Alle voorgaande regeringen, zowel groen, als rood en blauw. hebben de huidige situatie veroorzaakt

Het volk moet thans opstaan op respectvolle wijze via een tweede rechtszaak.

Daarom doen we een beroep op sterke mensen om nu naar voren te komen om ASOTEKO te steunen. Wij zullen binnenkort een openbare vergadering bijeenroepen.

Share This
error: Content is protected !!