KRALENDIJK — A surgi henter un diskushon relashona ku e asuntu di renobashon di himno di Boneiru. Gobiernu di Boneiru ta sakando 43.800 doler pa realisa un proyekto pa renoba himno di Boneiru. Esaki ta di akuerdo ku informashonnan ku Gobiernu mes a manda pa konseho insular. E direktor di Komunidat i kuido a bai di akuerdo tambe pa paga e suma aki na un grupo ku ta trahando riba e proyekto. E uniko vershon graba di e himno di Boneiru ta data di hopi anja pasa. E tempu ei tabata un proyekto di Cantandi. For di e tempu ei ta uzando e grabashon di e himno aktual na aktonan ofisial manera apertura i klousura di reunion nan di konseho insular. For di 1964 tera di solo i suave bientu ta himno di Boneiru. E melodia ta kompone pa J.B.A. Toni Palm. E teksto original ta di Hubert “Lio” Booi. Na anja 1982 a modifika e teksto un tiki. Tambe a uza himno di Boneiru komo himno di antias pa hopi anja.
Gobiernu di Boneiru a bai di akuerdo ku un proposishon di Ito Martis pa produsi e himno i un mini dokumental. E idea ta pa presenta e produkto final riba dia di Boneiru 6 di september awo.

Share This
error: Content is protected !!