A HAÑA BOTO PÈRDÍ KU HÓBENNAN

Riba djadumingu 29 di ougùstùs, alrededor di 10 or di anochi, sentral di polis a risibí notifikashon ku tres hóben a Sali riba un botofor di den oranan di atardi i ainda no a regresá. Mesora KPCN, den kolaborashon ku Wardakosta, a start un búskeda pa e boto Elisha ku riba dje tres hóben. Alrededor di 11.30 or di anochi a topa e boto ku e hóbennan sano i salvo i a tresenan waf di piskadó na Kaya J.N.E. Craane.

 KIEBRO NA KAYA SATURNUS
Deskonosínan a drenta un kas  situá na Kaya Saturnusvia di un bentana ku tabata habrí riba un skref, i a bai ku entre otro un Ipad Pro, un pen pa Ipad i sènkèsh. Ta investigando e kaso.

OUTO TA DAL DEN KASHI DI KORIENTE
Den oranan trempan di mainta, alrededor di 5.50 or, riba djadumingu 29 di ougùstùs, un aksidente a tumalugá riba Kaya Internashonal na altura di aeropuerto. Pa motibu ainda deskonosí un outo a kore dal den un kashi di koriente. Ambulans a transportá un di e tres okupantenan pa hospital pa tratamentu médiko. A hasi un ‘blaastest’ ku e shofùridetené pa manehá bou di influensia. A bai kuné warda pa hasi un análisis di rosea. A base di resultado di esaki ela haña un prosèsferbal pa manehá bou di influensia.

AKSIDENTE KU SKUTER
den oranan di anochi riba djasabra 28 di ougùstùs un aksidente ku un skuter a tuma lugá riba Bulevar Gobernador Nicolaas Debrot. Shofùr di e skuter a kai despues ku probablemente ela primi su brek diripiente. Personal di ambulans a trata e shofùr na e sitio mes i e no mester a bai hospital.

CHOKE FRONTAL RIBA KAYA KORONA
Riba djabièrnè 27 di ougùstùs un aksidente entre dos outo a tuma lugá. Outo1 tabata koriendo den direkshon sùit riba Kaya Korona i outo 2 tabata koriendo den direkshon nort riba Kaya Korona, na momentu ku diripiente outo 2 a kore bai riba outo 1 i nan a dal frontal. Ambulans a transportáámbosshofùr pa hospital pa tratamentu médiko. A sera Kaya Korona temporalmente for di Kaya Papa Cornes te ku e krusada di Kaya dr. Gregorio Hernandez pa asina CRS i e departamentu di tráfiko por a ehersé nan trabounan. Ambos outo tabatin basta daña material na e parti dilanti.

LADRONISIA FOR DI OUTO
den oranan di mainta riba djabièrnè 27 di ougùstùs a drenta keho di ladronisia di un spil di banda di outo, un tayer i un rim for di un outo ku tabata stashoná na un kas situá na Kaya Alexandrit. Ta investigando e kaso.

ROBO RIBA BULEVAR E.E.G.
Riba djaweps 26 di ougùstùs a drenta keho di robo riba kaya. Dos persona tabata kana alrededor di 9 or di anochi riba Bulevar E.E.G. bayendo den direkshon di Punt Vierkant na momentu ku dos persona riba un skuter tabata biniendo den nan direkshon i seguidamente un di e personanan a saka man ranka tas di lomba di un di e peatonnan i a sigui kore bai. E tas tabatin komo kontenido entre otro vários joya di marka Buddha to Buddha i Beush, dos brel di solo di marka Rayban, un oloshi di marka Hiddenhills, un ‘headphone’di marka Beats isènkèsh. E kaso ta bou di investigashon.

Share This
error: Content is protected !!