Triduo i Fiesta

Parokia di La Bírgen di Coromoto ta di fiesta djadumingu 5 di sèptèmber pa 10 or di mainta en konekshon ku Fiesta di su patrono La Bírgen di Coromoto. Despues e Misa nos tin un bríndis.

Djadumingu 5 di sèptèmber e dos otro misa, di 7 or mainta i 6 or atardi ta kai afó.

E triduo ta kuminsá djaweps 2 di sèptèmber. Pa 7 or anochi nos ta resa Santu Rosario i e siguiente dos dianan tambe. Pa 7.30 or nos tin un Santu Sakrifisio di Misa e dianan aki.

Ban selebrá huntu nos Mama di Señor, La Bírgen di Coromoto. Nos tur ta keda kordialmente invitá.

[Deboshon na “Nuestra Señora di Coromoto” of “La Bírgen di Coromoto” ta haña su orígen den dos aparishon di La Bírgen na kasá di hefe di un tribu indjan, na aña 1652, den region di Coromoto na Venezuela kaminda riunan di Guanare I Tucupido ta uni ku otro. Ora nan a yega banda di un bahada skèrpi, a parse nan dilanti di ripiente un Señora tur na lus briante, ku un Yu masha bunita den su brasa. El a pidi nan di risibi Boutismo: e awa ku ta kita piká.

Riba dia 8 di sèptèmber di aña 1652, di ripiente un lus skèrpi a aparesé. Riba stupi di kas, e Señora tabata pará, tur lus dii bunitesa. Mesora e indjan a rekonosé e Señora bunita. E indjan a bula lanta for di su kama, kohe su flecha, I el a bis’E amenasando: “Si mi tira Bo mata, lo Bo laga mi na pas”.

E Señora a drenta I e indjan a hisa su man na laria pa kohe e Señora I sak’Ė pafó. E Señora a disparsé miéntras e indjan tabata tene su man será komo si e tabata tene algo den dje. Anto el a grita bisa su kasá: “At’aki, mi ten’E”. Pero ora el a habri su man, e tabatin un imágen di e Señora, ku tabata manda lus.

Un hómber spañó, yamá Juan Sánchez a pidi e imágen aki. E indjan a dun’é I el a bai kas kuné. Aya el a traha un altá chikitu pa La Birgen.
Awor tur hende por mira e imágen di La Birgen den su Santuario, 8 kilometer pafó di Guanare ku su Santidat Pablo II a bendishoná na aña 1996.

Share This
error: Content is protected !!