NOTISIA DI POLIS DI DJÁRASONPROMÉ DI SÈPTÈMBER TE KU DJÁRASON 8 DI SÈPTÈMBER 2021

 

Ladronisia for di outo

Riba djamars 7 di sèptèmber a drenta keho di ladronisia for di den un outo ku tabata stashoná na e sitio di sambuyáWeber’sJoy. Entre 10.55 or i 11.55 or di mainta deskonosínan a destruí e winshil di patras  ku un piedra i a bai ku un tas ku kontenido i un telefòn. E outo tabata na lòk. Ta investigando e kaso.

 

Kandela den kònteiner

Riba djaluna 6 di sèptèmber sentral di polis a risibí notifikashon tokante un kònteinersituá na un sitio di konstrukshon na Bulevar Gobernador Nicolaas Debrot na altura di e rotònde,ku tabata saka huma. Na yegada di patruya i brantwer a resultá ku tabata trata di un instalashon di èrko ku a pega kandela. Brantwer a paga e kandela. No tabatin herido.

 

Aksidente entre outo i bròmer

Riba djaluna 6 di sèptèmber, alrededor di 7.45 or di anochi, un aksidente entre un outo i unbròmer a tuma lugá riba Kaya Nikiboko Nort. Ambulans a transportáshofùr di e bròmer pa hospital pa tratamentu médiko. A konfiská e bròmer komo ku eno tabatin plachi di number ni lus.

 

Atrako den kas na Republiek

Riba djaluna 6 di sèptèmber alrededor di 10.30 or di anochi algun deskonosí a drenta un kas na Republiek ia atraká un dama di edat. E sospechosonan a bai ku entre otro outo i a algun poseshon di e dama. Alrededor di 3.25 or di mardugá riba djamars 7 di sèptèmber, a detené un hòmber di inisial I.B.V.P. di 21 aña di edat den e kaso aki. Mas den oranan di tramèrdia a detené un di dos sospechoso. Ta trata di un hòmber di inisial T.A.G.D. di 25 aña di edat. Investigashon den e kaso ta andando i no ta ekskluí ku lo bai tin mas detenshon.

 

Ladronisia na Alta Mira Unjo

Riba djaluna 6 di sèptèmber entre 11.45 or di mainta i 12.50 or di mèrdia, deskonosínan a bai ku dos tas ku entre otro un iPhone , pòtmòninan ku vários tarheta di banko, un kámaraisènkèsh for di den e outo. E outo tabata stashoná na e sitio turístiko Alta Mira Unjo na Rincon i no tabata na lòk. Ta investigando e kaso.

 

 

Aksidente riba Kaya Nikiboko Nort

Den oranan di mainta riba djaluna 6 di sèptèmber, un aksidente entre un pikòp i un bròmer a tuma lugá riba Kaya Nikiboko Nort. Shofùr di epikòp ke a bai pasa un grupo di bròmeri baha i subi kaminda bek dor di kua un bròmer a bai dal den e lus patras na banda robes di e pikòp ku komo konsekuensia ku e shofùr a kai. Personal di ambulans a trata e shofùr di e bròmer na e sitio mes i en mester a bai hospital.

 

Entrada hudisial

Riba djabièrnè 3 di sèptèmber un entrada hudisial a tuma lugá den un kas situána Kaya Linda. E entrada hudisial tabata den kuadro di violashon di Lei di Opio BES. Durante di e entrada hudisial a konfiská un saku ku probablemente mariwana komo kontenido.

 

Outo a bòltu

Riba djadumingu 5 di sèptèmber, pa  motibu deskonosí un outo a bòltu an Kaya Tanki Maraka durante kua a ranka 6 staka i mas o ménos 7 meter di waya di kura bai kuné. Personal di ambulans a trata e shofùr na e sitio mes i su situashon tabata stabil.

 

‘Hit & Run’

Den oranan di mardugá riba djadumingu 5 di sèptèmbershofùr di un pikòp a okashoná un aksidente riba Kaya Korona despues di kua ela kore bai. Shofùr di e outo enbolbí den e aksidente a sigui e pikòp i na mes momentu su pareha a informá polis. A topa ku shofùr di e pikòp riba un sitio di stashonásituána Kaya Prensès Marie kaminda a lag’e hasi un ‘blaastest’. A konsekuensia di e resultado di e tèst a bai kuné warda di polis pa hasi un análisis di rosea. Despues di e análisis di rosea e shofùr a haña un prosèsferbal pa manehá bou di influensia i a haña prohibishon pa manehá pa 4 ora. A warda e yabi di e pikòpi por a buska esaki  na warda di polis despues  di mustra un reibeweisi prueba di seguro bálido.

 

A detenéhòmber burachi

Alrededor di 6 or di atardi a detené un hòmber di inisial R.A.J.B. di 52 aña di edat riba Kaya J.N.E. Craane en konekshon ku buracheria públiko. E tabata kore zeilu riba un skuter. Despues di a lag’e klara pa 6 ora e por a bai kas ku un prosèsferbal pa manehá bou di influensia.

 

Outo ta kore dal den outo stashoná

Riba djasabra 4 di sèptèmber sentral di polis a haña notifikashon ku, pa motibu deskonosí, un outo a kore dal den un outo ku tabata stashoná na Kaya Bamba. Ambulans a atendé ku e tres okupantenan na e sitio mes despues di kua nan por a bai kas.

 

Detenshon

Alrededor di 2.50 or di mardugá riba djasabra 4 di sèptèmber a detené un hòmber di inisial J.R. di 18 aña di edat den Centrumgebied, en konekshon ku insultá di un ámtenar den funshon.

 

Outo ta kore riba ‘fietspad’

Den kurso di siman tras di lomba a señalá un outo ku tabata koriendo riba e fietspad na e kaya  ku ta kondusí na Skol Amplio Papa Cornes, pa no mester apasa riba e drèmpelnan riba e kaya kompletamente nobo. Esaki ta okashoná un situashon peligroso pa baiskelnan ku ta biniendo for di direkshon kontrali ku inosentemente ta bira bògt. Prevení situashonnan peligroso sin nodi i kontribuí  na un tráfiko seif.

 

 

Bo a mira algu sospechoso? Yama 717 8000 òf e liña di tep anónimo 717 7251.

 

Share This
error: Content is protected !!