Kralendijk – Bonhata ta mira ku satisfakshon riba e rekuperashon di e sektor turístiko. Ta bisto ku Boneiru ta mas okupá ku binida di estranheronan. Mas okupá ta nifiká alabes ku pa gran mayoria di e sektor turístiko tin mas oportunidat di negoshi, kua anteriormente mester a sufri dor di e inaktividat kompleto despues di e brote di Covid-19 den 2020.

Okupashon pa akomodashonnan den luna di ÿuli a yega alrededor di 70% I ougùstùs alrededor di 75%Kompará esaki ku ÿuli I ougùstùs di 2020, kual tabata 20- 25%, ta un subida signifikante. E subida aki a sòru pa e fenómeno di “Christmas in the Summer” i por a nota subida di okupashon di kambernan di hotel, mas trip di buseo pa dive shop a tuma lugá, restorantnan tambe ta yen, kompanianan di hür outo mester hasi nan sòm pa por sirbi kliente. Hopi ta esnan ku a kuminsa gana nan pan bek den e sektor aki, sea direkto òf indirekto.

 

Variante Delta ta lur

Ousensia di un maneho klá pa loke ta e pasonan ku mester tuma awor ku e variante “Delta” a hasi su entrada aki na Boneiru, por sòru pa e rekuperashon aki ta keda algu solamente temporal, mientras ku e sektor turístiko ta un di e industrianan kaminda hopi ta gana nan sèn for di dje aki na Boneiru. Nos a mira kon e variante “Delta” mesora a impaktá partinan di sektor turístikonan si sla nan bisiña i te sierto grado diferente aktividat mester a ser kanselá por kompleto òf adaptá.  Rekuperashon di e sektor i apoyo atraves di e NOW/TVL no por kompará ku e eksperensia di e industria turístiko pa e ultimo 15 lunanan. Mester bin un maneho klá pa garantisá kontinuidat den e sektor aki.

 

Nos mester tene kuenta ku e echo, ku por ehèmpel merkado Merikano no a regresá kompletamente, esaki tumando na kuenta e kantidat di buelonan for di e destinashon di Merka ku te ainda ta keda atras. E merkado aki ta kontribuí signifikantemente na entradanan di e sektor. Apesar di un nivel di okupashon rasonabel pa varios akomodashon, ainda ta notando ku algun den e sektor tin difikultat pa yena kambernan di hotel i mesanan den restorant. Notabel ta e skarsedat na personal den horeca pa akapará e demanda kresiente. Pa yena e bashínan aki mester tin e posibilidat pa rekrutá empleadónan riba merkado internashonal, tambe ofresé formashon pa lokalnan ku ta disidí di drenta den e merkado turístiko ta un punto di salida importante. Mester rekonosé ku e sector di Horeca ta un sektor ofisial di nos ekonomia kaminda hopi ta esnan ku ta gana nan.

 

Nos mester tin kurashi pa rekonosé alabes ku e situashon aktual no ta e normal bieuw, pero sigur no ta kumpli ku e normal “nobo” tampoko pa kua e sektor por ta satisfecho kuné, al menos ku no tuma akshon awor pa formulá un maneho dediká pa garantisá kontinuidat di e sektor den kaso ku bini un brote masal di Covid-19 (“Delta”). Mestersirbi e sektor mas konsiente, siña di pasado i ofrese solushonnan praktiko ta e siguiente paso. Huntu nos mester karga e sektor aki.

Share This
error: Content is protected !!