Tur aña ta selebrá dia internashonal di Turismo riba 27 di sèptèmber. E aña aki Tourism Corporation Bonaire (TCB) komo parti di e ‘Tourism Recovery Plan’ a identifiká un kantidat di aktividat. E meta di e aktividat nan ta pa selebrá e benefisionan ku ta bin for di e desaroyo di turismo pa e segmento más amplio di e populashon di Boneiru. Nos komunidat ta representá e proposito di e eksperensia di Boneiru. E tema di e aña aki ta: ‘Tourism for Inclusive growth’.

COVID-19 tabata i ta pone hopi preshon riba e sektor turístiko, kaminda ku durante aña pasa (2020), a pone un stòp kasi kompletu riba e sektor aki. Awor ku nos a kuminsa rekuperá, TCB ta kere ku nos tin un oportunidat eksepshonal pa pensa riba e ròl di turismo i rekonstruí un miho industria. Además di nos invershon den e protekshon di nos naturalesa i rekursonan natural, nos hendenan, kultura i herensia ta hunga un ròl importante den e proseso, pesei e tema: ‘Tourism for Inclusive Growth’.

Un kantidat di aktividat lo tuma luga durante luna di sèptèmber. Kuminsando riba tur djasabra na yegada di bishitantenan na Bonaire International Airport lo risibi un bon biní ku músika di Ka’i òrgel. Adishonalmente bishitantenan lo tin oportunidat pa eksperensiá i saka potrèt ku nos bonerianonan bistí na trahe folklóriko i risibí un regalo komo parti di apresio di nan bishita na nos isla.

Otro komponente importante ta pa inkluí nos generashon hoben, nos muchanan. TCB a lansa un kompetensia di arte pa skolnan basiko di gruponan 5 te ku 8. E kompetensia ta titula: ‘Boneiru Eksperensia Outéntiko, ku Arte 100% Resiklá’. E muchanan tin ku krea un arte outéntiko di material resiklá. E arte por ta kualke idea ku ta outéntiko di Boneiru, manera flamingo, serunan di salu, turtuga òf kadushi, djis pa menshona algun. 15 di sèptèmber ta e

ultimo dia pa partisipá den e kompetensia, e finalistanan lo keda selekshoná dia 17 di sèptèmber. Ta anunsiá e ganadornan dia 22 di sèptèmber i lo keda ekshibi riba Dia Mundial di Turismo.

Den kolaborashon i envolvimentu di nos komunidat, TCB huntu ku Entidat Publiko di Boneiru (OLB), Bonaire International Airport, BONHATA i nos ‘Havenkantoor’, ta organisá un rueda di prensa riba 20 di sèptèmber. Durante e rueda di prensa aki lo duna un relato riba e desaroyonan i direkshon strategiko di turismo.

TCB den kolaborashon ku e outor Denise de Jong-Rekwest a produsi e di tres buki di turismo titulá: ‘Turismo na Boneiru, Eksperensia Outéntiko’. Lansamentu oficial di e buki ta riba 22 di sèptèmber na Captain Don’s Habitat. E buki di turismo aki lo keda entregá na skolnan komo un materia pa siña tokante turismo i nos herensia i kultura. Edukashon ta klave i pa e motibu aki TCB ta desea di inverti den nos skolnan su kurikulo dor di duna e buki aki komo material di lesa.

Tambe TCB ta organisando su promé ‘Bonaire Tourism Summit’ ku e obhetivo pa reuni ku nos ‘stakeholders’ i ‘partners’ pa dialoga riba diferente topiko manera; ‘branding’, servisio aerio, servisio i hospitalidat i strategia pa merkadeo i relashon publiko (PR). TCB a invitá e orado internashonal Igor Beuker pa habri e evento.

TCB tambe ta rekonose e personanan ku direktamente òf indirektamente ta traha den turismo, komo embahadornan di Boneiru. Manera Andy Serberie, tim di futbòl U-14, Emma Sint Jago, Claire Sealy, Erick Arias i Tirzo Cicilia. Algun di nos embahadornan lokal lo ta riba e portada di BONÈ Magazine. “Nos ta selebrando nos hendenan, herensia i nos kultura. Transformando nos pensamentu. Boneiru ke pa e nukleo di su komunidat ta parti di e gran kantidat di oportunidat ku tin na kaminda i nos mishon komo TCB ta pa kolabora ku stakeholders pa persigui e era nobo

pa inverti den nos hendenan, empodera nan i konstrui un industria ekonomiko post-COVID ku ta resistente i ta basa riba e prinsipionan humano promé,” segun Miles Mercera, CEO di TCB.

‘Tourism for Inclusive Growth’ no solamente ta e tema pa e luna aki, pero tambe lo ta e base di e strategia di TCB mientras nos ta sigui rekonstrui i rekuperá. Pa mas informashon tokante e aktividatnan durante luna di sèptèmber, por manda mail pa marketing@tourismbonaire.com.

 

Share This
error: Content is protected !!