Djadumingu ultimo fecha 12 di september 2021 partido nr 3 di playoff balido pa FFB a bai entre Flamingo i Vespo.

Un partido ku a mira un total di 5 gol.

Un partido ku a kuminsa bon. Tur 2 team buskando e gol pa habri kune. I ta atl Flamingo ta habri e score na di 23 min ku gol di *Yurick Seinpaal* i ta hasi e partido 1-0. Na di 33 min e kandelanan di Rincon ta logra empata e partido pa medio di un penalty 1-1 ku gol di *Alexander Piard* .

1-1 ta e score ku e partido a bai sosega ku ne.

Den di dos mitar Vespo butando mas preshon i ta bai ariba na di 55 min ku gol di *Jameson Piard* i ta hasi e partido 2-1. Na di 58 min Vespo un biaha mas ta score 3-1 ku gol di *Jameson Piard* . Flamingo ku no ke keda tras ta score na di 86 min ku gol di *Jermaine Windster* i ta hasi e partido 3-2. atl Flamingo ta kai kortiku ku e score aki.

Asina Vespo ta bai ku e viktoria i ta komande e tabla di posishon.

Score final 3-2

E refri ku a dirigi e partido: Arthur Gosepa.

Un total di 458 hende a paga pa mira e partido.
345 adulto
78 mucha
35 60+

Un danki na e fanatikada ku a paga pa mira e partido.

Share This
error: Content is protected !!