Djadumingu 12 di sèptèmber último direktiva di Fundashon Alzheimer Bonaire a organisá
su “Family Day” tan anhelá ku mester a tuma lugá for di ougùstùs aña pasá, pero ku mester a keda pospon’é . E “Dia di Famia”aki tabata pa e miembronan di famia ku ta duna kuido na personanan ku demensia i a ten’é na Eddy’s Gourmandises Restourant.di 9.00 or te 4.00 or.
Direktiva ta bien konsiente ku e medidanan relashoná ku e krísis di Corona a afektá e personanan ku demensia i nan famianan mashá hopi.
Nos situashon aki na Bonaire no ta un eksepshon pa ku esaki..Ku seramentu aña pasá di e sentronan pa kuido den luna di mart i awendia ku parsialmene a habri nan, e famianan tabata obligá pa a keda ku ménos sostén djafó i di Thuiszorg. No opstante e echo ku nan no ta profeshonal pa duna e kuido nesesario, nos Fundashon a konstatá ku nan tur a duna kuido optimal na nan sernan stimá durante e último lunanan. Nos ta kita sombré pa nan!

Komo muestra di gratitut i rekonosementu pa e personanan aki direktiva a skohe pa organisá e evento e aña aki durante e Luna Mundial di Alzheimer sèptèmber, ku e Tema internashonal: “Konosé demensia, konosé Alzheimer” i direktiva a hinka un programa hopi variá, interesante i edukativo den otro ku e lema ”Nos no a lubidá boso”.
Grasias na sosten finansiero di e Banko lokal Maduro & Curiel’s (Bonaire) N.V.i Entidat Públiko Bonaire, nos Fundashon por a organisá e “Family Day” aki pa e famianan.
Nan a gosa di e programa i a haña oportunidat tambe pa a kompartí nan eksperiensia ku otro. Ademas Eddy i su personal a malkriá nan ku nan ekselente servisio.
Tabata bal la pena pa a honra e famianan aki di e forma aki i direktiva por mira bèk riba un dia hopi eksitoso.

Share This
error: Content is protected !!