KIEBRO NA REGISTRO SIVIL
Riba djamars 14 di sèptèmber a drenta keho di kiebro na Registro Sivil situá na Kaya Neerlandia. Entre djaluna 13 di sèptèmber i djamars 14 di sèptèmberdeskonosínan a forsa un bentana pa drenta i abai ku sènkèsh for di den un seif. Durante e kiebro a destruí un seif, un porta di paden i un bentana. Ta investigando e kaso.

AKSIDENTE KU KONSEKUENSIA FATAL
Riba djamars 14 di sèptèmber, alrededor di 2.15 or di tramèrdia, un aksidente entre un pikòp i un skuter a tuma lugá riba Kaya Betico Croes na  altura di e rotònde di Sabana. Pa motibu deskonosí shofùr di e skuter a pèrdè kòntròl i a bai dal frontal den e pikòp ku tabata bini for di direkshon kontrali. A transportá e dama shofùr di e skuter pa hòspital pa tratamentu médiko. Alrededor di algu pasa di 5 or di atardi a drenta notifikashon ku e dama a bin fayesé a konsekuensia di su leshonnan. Ta trata di e dama di inisial A.J.W. nasí riba 20 di novèmber  1976 na Estados Unidos.

ATRAKO NA SABADECO
Alrededor di algu pa 4 or di mardugá  di awe djárason, 15 di sèptèmber, un atrako a tuma lugá den un kas na Sabadeco. Tres hòmber kurpa ful tapá a sorprendé un pareha merikano, di edat. Durante e atrako a  menasá e pareha i a agredí e habitante maskulino ku un arma na su kabes. E malechornan a logra bai ku basta pertenensia di e pareha. E kaso ta bou di investigashon.

DENTRO DOS ORA SINKU DETENSHON DEN KASO DI ATRAKO NA SABADECO
Awe, djárason 15 di sèptèmber, den oranan di mainta trempan Kuerpo Polisial Hulanda Karibense a realisá 2 entrada hudisial relashoná ku e atrako di mardugá.

Den bario di NortSaliña a detené kuater persona na un kas di famia i a logra konfiská diferente artíkulo ku probablemente ta prosedente di ladronisia. A konfiská  un arma di kandela tambe. Ta trata di un dama di inisial A.S. di 40 aña di edat, un hòmber di inisial A.A.M di 45 aña di edat, un hòmber di inisial J.T.S di 28 aña di edat i un hòmberdi inisial S.D.J di 19 aña di edat.

Na un kas di famia den bario di Antriol a realisá un detenshon i a konfiská algun artíkulo ku probablemente ta prosedente di un òf mas ladronisia. Ta trata di e hòmber di inisial N.L.R.C.T di 21 aña di edat.

E kaso ta sigui bou di investigashon i no por ekskluí mas detenshon.

Share This
error: Content is protected !!