Dia di Bonaire su lema “Unidat ta e yabi pa libertat” i henter e asuntu di himno a ilustrá ku tantu libertat I demokrasia ta bou di preshon enorme. E lema ta un pensamentu falsu. Ta pone pueblo tras di waya pa trese desunion. Tabata falta “prikkeldraad” . E otro tópiko ta demokrasia. Diputado a traha kuchi kuchi riba un sorpresa, no a enbolbí Konseho Insular i kos a lèk. Esaki ta kontra reglanan di bon gobernashon i mester tin konsekuensia si Konseho Insular ta respetá su mes i duna rèspèt na e setenta aña di atministrashon demokrátiko na Bonaire. Na Hulanda diferente minister ku a trata na skonde kos mester a retirá. Asuntu di bòn a kousa kabes di e ministernan: Fred Teeven, Ivo Opstelten, Ard van der Steur. Toeslagenaffaire a resultá den retiru di sekretario di estado, Menno Snel, lider di PVDA Lodewijk Asscher, minister Eric Wiebes i kaida di gabinete Rutte III. E manera ku a atendé e problema di Afghanistan a pone dos minister tuma retiro. E puntonan aki ta enfatisá e forsa di demokrasia parlamentario i poder di representantenan di pueblo ku ta kontrolá gobernashon. No por gaña i burla parlamentu sin konsekuensia. Sea bo ta tuma retiro òf bo ta haña un moshon di deskonfiansa òf di desaprobashon. Na Bonaire e Kolegio Ehekutivo ku a sinta na 2019 ta kometiendo vupá tras di otro i Kolegio Ehekutivo, ku ayudo di MPB ta opstakulisá bon funshonamentu di demokrasia. Por menshoná asuntu di toubot te na mínimo sosial. Spesial MPB ta papia di Union pero mirando aktuashon di su lider por papia libremente di desunion. Señor Elvis Tjin Asjoe porfin a skirbi un artíkulo ku kontenido ku ta papia di yuda konstruí Bonaire. Lesa e artíkulo bon i e konklushon ta: mata libertat di palabra. MPB tin lider i diputado arogante ku sigur sigur ta fomentá desunion i destruí demokrasia. Un kaluroso pabien na konsehal Elvis Tjin Asjoe ku, danki na supuesto analistanan, porfin a duna kara i a tuma e bon desishon pa no bira diputado .
FUENTE: ARTHUR SEALY
Share This
error: Content is protected !!