Riba djabièrnè, 17 di Sèptèmber, nos a bolbe para ketu un biaha mas na e dia aki, unda nos a selebrá huntu ku nos baluartenan kual ta nos trahadonan pedagógiko ku ta traha den nos akohidanan pa mucha.

Pa motibu di e medidanan rondo di corona, nos no por a selebrá e dia manera nos a plania na inisio.  Pero meskos ku aña pasa, a pasa e biaha aki tambe serka kada akohida unu pa unu pa entregá un regalito na tur e trahadonan pedagógiko.

Pa e aña aki nos a skohe e tema: “Bo dedikashon altamente apresiá.”

Tur dia di nobo nos trahadonan pedagógiko tei ku hopi amor, pasenshi i dedikashon pa nos chikitinnan. I asina nos ke mustra nos apresio pa e trabou bunita ku nan ta hasi pa nos futuro di Boneiru.

Pa e aña aki Entidat Publiko Bonaire pa medio di e programa Best4Kids i huntu ku Sentro Hubentut i Famia, a traha riba diferente aktividat pa por yuda mehorá i enhalsá e kalidat di nos akohidanan pa mucha.

Diferente treinen, guia i sosten ya a ser ofresé na nos akohidanan pa mucha i e trahadonan pedagógiko.

Nos ta konsiente ku tin hopi trabou ainda pa realisá, pero nos sa tambe ku sin e dedikashon di nos trahadonan pedagógiko nos lo no por logra nos metanan.

Pa e aña aki pa di promé biaha nos a hasi un elekshon di e ‘lider di aña’.

Pa esaki e direktorado òf tim di maneho di e akohida por a mèldu nan kandidato ku nan ta haña ku di un of otro manera ta meresé e titulo di ‘lider di ana’.

Algun di e kriterio ku nan mester a tene nan mes na dje ta tabata por ehempel ku e lider tin un manera amabel i korekto di atendé ku e muchanan. Òf lider ta un persona agradabel pa traha huntu kuné, e tin i ta mustra pashon den su trabou trahando ku mucha, etc.

E tim di hurado a ser formá di nos profeshonalnan ku tin konosimentu di e trabou pedagógiko i den akohida di mucha; sra. Riet Sealy, sra. Enigma Giskus i sra. Mimi Dongen. Nan a hasi un eskoho a base di e relato kòrtiku ku a ser entregá dor di e direktorado of tim di maneho di e akohida di mucha.

E aña aki sra Ruthsela Conquet de Palm, miho konosi komo tante Ruthi, ku ta traha na speelschool de Kaboutertjes, a bai ku e premio komo lider di aña 2021-2022.

Riba djabièrnè a entregá e premio na e ganadó i tambe na tur e nomidadonan.

E nominadonan tabata:

Mairis Annastatia di Hardin di Chikitin, Ariola Bernabela di Mi Dushi Muchanan, Selene Sint Jago di Elephants Splash Education, Josindra de Palm di NSO Noah, Ursina Bernabela di BSO Bright and Happy Kids, Tania Barahona de Cisneros di Het Vlindertuintje, Marjorie Thomas di KDV Arko Iris, Tibizay Marchena di Elephants Daycare, Eunice Mercelina di B.A.S.E.S.

Extra nos a pone atenshon na nos “young proffesionals” ku tambe a ser nominá kual ta;

Zaira Martis di Elephants Daycare, Shania Leidel di BSO Boks, Luxmarie Strickx di KDV Noah I Raicheline Eybrecht na het Vlindertuintje babyhuis.

Nan tur a risibí un sèrtifikado i un premio pa mustra un biaha mas kuantu nos ta apresiá nan dedikashon.

Na nòmber di Sentro Hubentut i Famia i direktorado Komunidat i Kuido

Teksto pa sertifikado di nominado

[nomber di trahado pedagogiko]

nominado komo kandidato pa elekshon di lider di aña 2021 – 2022.

Bo dedikashon profundamente apresiá.

 

Masha danki

 

Diputado,                                                                            Lider di proyekto BESt4Kids,

sra Nina den Heyen                                                             sra. Tamara Nicolaas

Nominadonan: Mairis Annastatia, Ariola Bernabela, Selene Sint Jago, Josindra de Palm, Ursina Bernabela, Tania Barahona de Cisneros, Marjorie Thomas, Tibizay Marchena, Eunice Mercelina, Zaira Martis, Shania Leidel, Luxmarie Strickx, Raicheline Eybrecht

Teksto pa sertifikado di Ganado

[nomber di trahado pedagogiko]

lider di aña 2021 – 2022.

0Bo dedikashon profundamente apresiá.

Share This
error: Content is protected !!