Tourism Corporation Bonaire (TCB) huntu ku su partnernan Entidat Públiko di Boneiru (OLB), BONHATA, Bonaire International Airport (BIA), i Havenmeester a organisá un rueda di prensa pa informá tokante di e prestashon i desaroyonan di e industria di turismo den e promé temporadanan i pa e temporada di wenter benidero 2021/2022.  Algu notabel ku a tuma luga durante di e rueda di prensa ta e anunsio di Diputado di Turismo, sr. Hennyson Thielman, ku gobièrnu a proponé un subida di 3 mion dòler na e presupuesto di TCB pa 2022.

Komo parti di e Plan di Rekuperashon di Turismo, e sektor públiko i sektor privá a inisiá awe un rueda di prensa konhunto, kual lo tuma lugá kada 3 luna, ku e ophetivo pa promové e kolaborashon entre sektornan i pa informá nos komunidat di e desaroyonan den e industria di turismo.

Sr. Hennyson Thielman a komparti e vishon di e industria di turismo pa Boneiru ku ta enfoká riba ‘Inclusive Tourism growth’ i e esfuersonan di rekuperashon post e krisis di COVID. OLB tin un vishon klave pa loke ta trata desaroyo di servisio aério, krusero, i implementashon di e Plan di Rekuperashon di Turismo. Mas aleu, a duna informashon aktual riba e desaroyonan manera e ‘Tourism Entry Tax’, fondo adishonal pa esfuersonan di turismo i invershon den e desaroyo di produkto por ehèmpel proyekto pa mehora bichnan.

TCB su CEO, sr. Miles Mercera a komentá su eksperensia di promé 100 dianan den ofisina i prioridatnan di TCB en konekshon ku e plan di Rekuperashon di Turismo. Varios inisiativa i proyektonan a tuma luga. Sr. Mercera tambe a komparti vishon di TCB i proyektonan realisá pa logra e definishon di “Inclusive tourism’’ i e esfuersonan di inkorporá e herensia, e hendenan i kultura den nos ofresimiento di turismo. Ademas, TCB ta duna un splikashon na reposishoná

Boneiru, e proseso i planiamentu. Koleborashon di stakeholder ta un focus importante pa TCB ku lo kuminsa ku e promé ‘Bonaire Tourism Summit’ ku lo tuma lugá riba dia Mundial di Turismo riba 27 di sèptèmber 2021. Ademas, TCB su invershon den ultimo lunanan ta basá riba kolekshon i analisashon di datonan manera, e averahe di dia ku un turista ta plania su bishita pa Boneiru for di Hulanda i Merka, i tambe e averahe di dia ku un turista ta keda na Boneiru. Pa e merkado hulandes, e averahe di dia ku un turista ta plania su bishita pa Boneiru ta 69 dia, i e averahe di dia ku e ta keda na Boneiru ta 20.4 anochi, kual mas ku 50 porshento ta keda 14 anochi. Pa e merkado merikano, e averahe di dia ku un turista ta plania su bishita pa Boneiru ta 130 dia, i e averahe di dia ku e ta keda na Boneiru ta 10.8 anochi, kual mas ku 50 porshento ta keda entre 4 pa 7 anochi.

Veroesjka de Windt, CEO di BONHATA a komparti informashon aktual riba okupashon di akomodashonnan den luna di ÿuli i ougùstùs 2021 i e pronóstiko pa e lunanan benidero. Den luna di yüli a yega alrededor di 70 porshento, i ougùstùs alrededor di 75 porshento. Kompará esaki ku ÿuli i ougùstùs di 2020, kual tabata 20-25 porshento, ta un subida signifikante. BONHATA ta mira un rekuperashon fuerte post-Covid i lo sigui koleborá, inverti huntu ku TCB i otro partnernan.

Onno de Jong, CEO di BIA a duna un bista di e kantidat di pasaheronan ku a yega Boneiru entre yanüari-ougùstùs 2021 ku detaye di unda nan ta bini. Boneiru a risibí un total di 191.163 bishitante via avion entre yanüari-ougùstùs 2021 ku un total di 5.248 buelo yegando na Bonaire International Airport. Mayoria di nos bishitantenan a bini for di Amsterdam (114.681 pasahero), Kòrsou (40.990 pasahero), Atlanta (6.614 pasahero), Miami (5.814 pasahero), i Aruba (4.129 pasahero).

Havenmeester sr. Gunther Flanegin a komparti e sifranan di e barku kruseronan plania pa e proksimo temporada i e protokòlnan ku tin di COVID. Pa luna di sèptèmber tin 2 barku plania, pa òktober tin 4 barku plania, i novèmber tin un total di 22 barku krusero plania.

TCB den kolaborashon ku stakeholders lo sigui informá nos komunidat kada 3 luna tokante desaroyonan, oportunidatnan i retonan den e industria di turismo.

Interesá pa sigui (virtual) nos plannan pa futuro di turismo?

Pa djòin e Bonaire Tourism Summit like nos página di Facebook lokal: ‘Tourism Corporation Bonaire’.

Share This
error: Content is protected !!