Un unidat tékniko prosedente di Hulanda di Forsanan Real di Ehérsito ta ehersé durante e periodo benidero ehersisionan tantu na Aruba, Kòrsou i Sint Maarten. Awe e ekiponan grandi ku ta regardá esaki ta yega Kòrsou via transporte marítimo. E ehersisio, titulá ‘Caribbean Engineer’, ta kuminsá riba 27 di sèptèmber i ta dura kuater siman.

 

E unidat, ‘101 Geniebataljon’, ta konsistí di tékniko/ingenieronan ku diferente ekspertisio. Nan ta militar i tambe spesialistanan riba tereno di konstrukshon.  E periodo benidero nan ta ehekutá un programa ku, di un banda ta konsistí di diferente treinen militar (entre otro na  Wacawa i Parke Nashonal Arikok), i di otro banda nan ta bai kuminsá ku múltiple tarea di konstrukshon pa diferente entidat, entre otro pa Defensa mes.

 

Di e forma ei e ekspertonan den konstrukshon, enkargá pa Carmabi ta bai kuminsá den e área di naturalesa na Sint Joris (Kòrsou) ku un brùg pa peaton na un krusada di awa chikitu. Na Parke Nashonal Arikok na Aruba e militarnan ta sostené entre otro un proyekto di sostenibilidat di ‘Kite Power’, kaminda ta bai hasi un tèst, pa generá energia pa medio di un fli grandi. Diferente servisio ta nesesario pa esaki.

 

Tambe pa Defensa mes e unidat di ekspertonan ta bai kuminsá traha. Asina na Kazèrne di Marina na Saveneta ta bai konstruí un kas pa praktiká ehersisionan di ‘desempeñonan den áreanan urbano’.

 

Treinen den sirkunstanshanan klimatológiko desafiante

Pa e unidat ku ta bini for di Hulanda, e ehersisio na Aruba, Kòrsou i Sint Maarten tin un balor agregá amplio. E sirkunstanshanan klimatológiko den Region Karibe ta komparabel ku e sirkunstanshanan den hopi áreanan di mishon. Pa e motibu ei e ehersisio aki ta duna e ofisialnan di ehérsito e chèns pa por trein den sirkunstanshanan similar.

 

E unidat ta konsistí di mas ku 150 militar ku ta repartí i ubiká riba e tres islanan. Pa e trabounan di konstrukshon tin 40 vehíkulo militar pa konstrukshon ku a keda mandá via transporte marítimo pa Kòrsou i Aruba. E barku a yega awe den haf di Willemstad. Un parti di e vehíkulonan ta keda deskargá einan, i despues e barku ta sigui nabegá direkshon Oranjestad na Aruba. Un parti chikitu di e unidat ta sigui un programa di ehersisio na Sint Maarten. E ehersisio ‘Caribbean Engineer’ ta dura te ku dia 22 di òktober.

 

COVID-19

Tur e militarnan ku ta biaha i ta drenta pais, adelantá (no mas ku 48 ora) a keda di tèst negativo pa COVID-19 i ta kompletamente bakuná. E unidat ta sigui ku e instrukshonnan ku ta bálido na Aruba, Kòrsou i Sint Maarten

Share This
error: Content is protected !!