USIBO a partisipá na e di 24 kongreso konstitushonal i konferensha di FTA, 4 delegado fraternal a partisipá na e tres dianan organisá pa e sindikato di mas grandi di ARUBA, FTA. d.r.p.d sr. Cherel KwidamaTesorero di USIBO, Presidente di USIBO, sra. Mavis Abrahams, Konsehero di USIBO, sr. Charles Mercelina i Konsehero di USIBO, sr. Alexander Molina.

USIBO (Union di sindikatonan Boneriano) tabata presente ku (kuater) 4 delegado na e di “XXIV Congreso Constitucional y Conferencia” di FTA (Federacion di trahadónan di Aruba). Riba invitashon di FTA, USIBO a partisipá ku 4 delegado fraternal na e kongreso aki, den persona di Mavis Abrahams, presidente di USIBO, Cherel Kwidama, tesorero di USIBO, Charles Mercelina, konsehero di USIBO i Alexander Molina konsehero di USIBO.

Tabata tres dia di hopi eksperensia i konosementu den e mundu sindikal. E tema tabata “Flexibilidad Laboral”. E promé dia parti anochi tabata tin e konferensiá ku diferente orador; promé minister di Aruba, minister di labor, presidente di FNV, Direktora di ACTRAV di e Organisaschon International di Labor (ILO) i e presidente di Alternativa Democratica Sindikal de las Americas (ADS), tambe tabata tin un pènel di diskushon, ku representante nan di dunadó di trabou, e departamentu di labor i leinan laboral i por a interkambiá pensamentu nan ku otro riba e tema fleksibilidat laboral.

E di dos dia i di tres dia tabata tin e di 24 kongreso konstitushonal di FTA, kaminda a presentá e relato di e tres aña nan 2018 – 2021 i despues a bai na skohe e direktiva nobo pa e tres aña nan binidero.

Tabata un honor pa USIBO por a partisipá na e mesa direktiva transitorio i tambe forma parti den e komishon elektoral.

Bayendo i partisipando na e kongresonan sindikal aki, nos ta amplia nos konosementu i eksperensia.
Bo ta eksperensia i mira e diferente maneranan pa organisá kongreso a base di e diferente statutonan vigente. Tambe ta bon oportunidat pa sera konosí ku mas kolega sindikalista di e diferente paisnan, bo ta amplia bo konosementu i “netwerk”.

Nos por mira bek riba dianan di hopi konosementu i produktividat USIBO i sindikatonan a logra, logro nan grandi pa ekstendé laso nan di hermandat i di koperashon.

USIBO i sindikatonan na Boneiru ta konvensí ku riba tereno laboral tin hopi aspekto di interes komun komo nos ta forma parti  di Reino Ulandes i ta enfrentá e mesun retonan pa ku desaroyonan mundial, regional i lokal.

USIBO ta yama FTA pabien, ku nan di 57aña i ku nan di 24 kongreso konstitushonal.
Palabranan di Presidente di USIBO Mavis Abrahams

Share This
error: Content is protected !!