Kralendijk – For di djaluna 27 di sèptèmber 2021 Boneiru ta usa un lista nobo di pais di riesgo. Riba e lista nobo Brasil, Venezuela, Reino Uní i Merka ta keda pais di riesgo hopi haltu pa nos isla. Pa promé biaha a inkluí Haiti riba e lista i e ta konta komo pais di riesgo hopi haltu. Awor Canada, Jamaica i Puerto Rico tambe ta pa promé biaha riba e lista, nan ta pais di riesgo haltu. E lista ku pais di riesgo haltu a bira mas largu, awor ku paisnan ku promé tabata pais di riesgo hopi haltu, for di 27 di sèptèmber ta konta komo pais di riesgo haltu, manera Argentina, Colombia i República Dominicana.

 

Pa un bista general kompleto di e paisnan di riesgo i e kondishonnan pa biaha for di e paisnan ei pa Boneiru, wak www.bonairecrisis.com/pap/biaha. Boneiru ta distinguí kuater nivel di riesgo, hopi abou, abou, haltu i hopi haltu. Ta stipulá e nivelnan di riesgo a base di e kantidat di kontagio di COVID-19 den un pais. Saba i Sint Eustatius ta keda isla ku un riesgo hopi abou. Aruba, Kòrsou i Sint Maarten ta keda pais di riesgo haltu. Tin pais ku no ta aparesé riba e lista di pais mas, esaki ta pasobra masha tiki biahero ta bini Boneiru for di e paisnan ei. Awor a añadí sierto paisnan tambe riba e lista, pasobra tin hopi biahero ta bini nos isla for di e paisnan ei.

Share This
error: Content is protected !!