Komo klousura di Dia Mundial di Alzheimer djamars 21 di sèptèmber último, direktva di Fundashon Alzheimer Bonaire a presentá e pelíkula “WEI” den sala di Konferensia Piet Mondriaan na Courtyard  Marriott Resort.Tantu Gezaghebber sr Edison Rijna komo Diputado sra den Heyer huntu ku mayoria di e presentenan tabatin e T-shirt hel di Fundashon Alzheimer Bonaire bistí ku e tema internashonal “Konosé Demensia, Konosé Alzheimer” i nan por a gosa di “WEI”, un dokumentario di Ruud Lenssen, den kual e ta presentá e trayekto di demensia i e kuido di su mayornan.

Tur hende a eksperensiá e pelíkula komo un realidat, pa sierto persona e tabata fuerte pero tòg un historia yen di amor tokante kon frágil i pasahero bida por ta.

Mirando e gran pedida i interes di esnan ku no por a bini e presentashon aki pa motibu di e medidanan di Corona, direktiva  di Fundashon Alzheimer Bonaire a desidí pa ripití e pelíkula riba Dia di Grandinan, djabièrnè 1 di òktober próksimo na Courtyard Marriott Resort atrobe den sala di Konferensia Piet Mondriaan, 19.30 or. Karchi di entrada ta US$12.50 i ta optenibel serka miembronan di direktiva i boluntarionan di Fundashon Alzheimer Bonaire.

  • Ta mundialmente kustumber ku riba Dia Mundial di Alzheimer ta publiká e rapòrt Mundial di Alzheimer. Na final dje pelíkula direktiva di Fundashon Alzheimer Bonaire a hasi uzo di e oportunidat pa a entregá e rapòrt 2021: “Journey through the diagnosis of dementia” na Diputado di Kuido di Salú sra Nina den Heyer den presensia di Gezaghebber sr Edison Rijna i tur e presentenan; por mira e pòrtrèt athunto.
  • Direktiva ta hopi agradesido na tur esnan ku a kontribuí na e anochi di pelíkula sumamente eksitoso aki i ta invitá tur interesado pa e ripitishon, otro siman djabièrnè.

 

 

Share This
error: Content is protected !!