Omayara Leeflangoutor di e buki:“Verkiezingen: Keiharde marketing” ku e suptítulo “Een beeld van een gezijzelde democratie op Curaçao”, ta ilustrá kon a sekuestrá demokrasia. Esaki ta pasando aktualmente na Bonaire. Un konsehal ta persistí ku mester mata libertat di palabra. Ningun persona ni ningun konsehal no por sensurá e libertat aki. Pió ainda si ta preskribí kon mester usa e derecho aki. Kuantu mas pueblo di Bonaire mester sufri promé ku tin aklarashon riba tur e vupánan kometé pa eks diputado i e diputadonan aktual. Ta un bèrgwensa ku tin mas di mil hende ta warda riba un tereno, no por aliviá pobresa, no tin adelanto pa drecha mínimo sosial, lèkmentu di e sorpresa i gastamentu di 44 mil dòler. Diputado a bisa ku no ta kambia e himno pero tin palabranan ku a kambia. For di ki tempu a kambia e teksto original.Ken a kambi’é i si Konseho Insular a aprob’é. Te awe no tin splikashon di e motibunan pa a sakrifiká algun hóben ku ta: Reginald Dortalina, Alcira Jansen, Dudley Wedervoort i otronan ku a tuma retiru. E pregunta ta: Konseho Insular, Kolegio Ehekutivo i tur medio di komunikashon ta sostené e tendensia anti demokrátiko aki. Un lider polítiko i alabes konsehal ku ta trese duda den pilá di demokrasia, si e ta honesto, mester kuminsá na pidi despensa na pueblo òf tuma retiru. Esaki ta responsabilidat di MPB pa hasié. Ta trata di un regla básiko ku tin e nòmber konfiansa den polítika i polítiko. Fin di siman gabinete Rutte III a retirá sekretario di estado MonaKeijzer ku a trese duda den e punto di bista di gabinete. Partido CDA di Mona Keijzer ta bai tuma akshon.Siman pasá por a mira kon un moshon di desaprobashon na Hulanda a pone dos minister bai kas.Loke ta den tapara ta, ku ta bai reorganisá /revitalisá e aparato públiko di Bonaire ku konsekuensia pa sakrifiká mas ámtenar boneriano. Aparte di a pone pueblo tras di waya, ta hunga ku e idea pa organisá festival di Regata. Si e kos di amigu i konosí aki ta bai tuma lugá anto ta lógiko ku no por stroba fiesta di e barionan di e hendenan di pueblo manera :Charles Beukenboom (Antriol) i Broertje Janga (Rincon). Kolegio Ehekutivo di Bonaire a stròp kaba selebrashon di Dia di Bonaire den bario Tera Kòrá di Janchi i Gènchi Janga.

Share This
error: Content is protected !!