E kareda di mountainbaik a tumá lugá Djadumingu ultimo ku salida 6.30am en punto según e programa.

Den tempu di COVID ahinda por tabata posibel pa organisá eventonan deportivo ku responsabilidat.

40 Duo (80 deportista) a bringa den e kalor ku tabata hasi i kamindanan difisil pa kore di e trámite di 55 of 73 km. Tur dos ruta tabata di suit pa nòrt, di aeropuerto pa Rincon.

Pasando dor di kamindanan di tera ku lodo di Washikemba, Lagun, Bolivia i Trai Montaña, krusando después di parti oost pa west a yega na e parti ku siklistanan ta yama “The Hell” debí na e difikultat pa pasa. Después a baha riba kaminda Broertje Janga unda e trayekto a separá e Elite for di e Pro. Uno a bai links direkshon sabadeco , e otro a bai rechts direkshon Rincon via para Mira i Alta Mira pa regresá i kompletá e ruta via Sabadeco i seru largo.

E difikultat di e diferente kamindanan, e largura di e ruta kombiná ku e kalor ku a hasi tabata hopi fuerte pa algún partisipante ku no por a terminá e ruta Xtreme aki.

Pa loke ta tempu di e kareda, esun ku a kore e ruta Elite (73km) den menos tempu tabata den 3 ora i 14 minüt i e ultimo ku a drenta a hasi’é den 5 ora i 20 minüt

Debí ku ta e tempu di e último entre e duokoredornan ku drenta ta esun bálido, no tabata posibel pa esun ku a drenta promé ku e tempu mas abow gana e kareda.

E ganadornan di e kareda Elite a resultá Robert Potveer i Ed Kegt di Korsow ku un tempu di 3:16:20

Den e klase di Pro route (55) e tim ku mihó tempu tabata Domingos de Lima i JarneEverts di BONAIRE ku tempu di 2:36:44

Tambe tabatin un equipo di Junior ku tambe a kore e ruta di 73km den un tempu di 4:21:39 Marcel Spruit i Michel Prissiajnouk representando BONAIRE.

E evento aki atrobe a resultá un éksito i Bonaire Xtreme Sports Bonaire ya ta preparando pa esun di 2022.

 

 

 

Share This
error: Content is protected !!