Ministerio Públiko i Korte di Promé Instansia ta yega na apsolushon den kaso di froude Stichting WGK
Awe djaweps 30 di sèptèmber 2021 Korte di Promé Instansia a trata e kaso di e investigashon yamá Zonnebloem den su kontenido. Den e investigashon aki, kuater sospechoso a presentá dilanti hues pa falsifikashón di dokumento, malversashon, soborno, labamentu di plaka i traha komo bankero sin pèrmit. Ta trata di e èks direktor di Stichting Wit Gele Kruis (Stichting WGK), su kasá, e èks hefe di atministrashon di Stichting WGK i e èks tesorero di Konseho di Konsulta di Stichting WGK.
Investigashon Zonnebloem a kuminsáora a hasi denunsia di falsifikashon di dokumento di e relatonan anual di Stichting WGK. E relato anual nan aki lo mester a wòrdu usá na momento ku a hasi petishon pa supsidio pa aña 2016. Banda di esaki un suma di mas ku NAF 700.000,- a keda malversá for di Stichting WGK. Durante e investigashon e sospechosonan a sinta un temporada den aresto preventivo i e kaso a keda atendéun par di biaha pro-forma den Korte. Awe, djaweps 30 di sèptèmber 2021 e kaso a keda tratá den su kontenido.
Durante tratamentu di e kaso den Korte awe, Ministerio Públiko a yega na e konklushon pa loke ta trata e sospechosonan, ku no tabatin sufisiente prueba legal i konvinsente pa yega na por prueba e akusashonnan. Ministerio Públiko a argumentá ku relashoná ku e direktor i e hefe di atministrashon no tin sufisiente prueba di falsifikashon di dokumento ni malversashon. Durante tratamentu di e kaso,

Ministerio Públiko no a keda konvensé di aktonan di mala f”e dor di ambos persona. Tambe ta bini aserka ku pa loke ta trata malversashon no a sali na kla ku en realidat sèn a disparsé fÍsikamente for di Stichting WGK.
Pa loke ta trata e sospecho di soborno kontra e eks direktora i e tesorero di e Konseho di Konsulta, Ministerio Públiko a yega na e konklushon ku no tin sufisiente prueba legal pa yega na por prueba e akusashonnan. Emesunkostakontapakuesospechodilabamentudiplakakontradiekasádieèks direktora. No tabatin niun prueba di plaka optené dor di aktividat kriminal. Hustamente dor di present á dokumentunan, e kasá di e èks direktora a demostrá ku e plaka en kuestion no ta prosedente di aktividat kriminal.
Pa e motibu aki, Ministerio Públiko a pidi, durante tratamentu di e kaso den Korte, apsolushon pa e kuater personannan aki.
Riba 30 di sèptèmber 2021, Korte di Promé Instansia a dikta sentensia mesora. E kuater sospechosonan a keda kompletamente apsolvé di falsifikashon di dokumento, malversashon, soborno, labamentu di plaka i traha komo bankero sin pèrmit. Ku e veredikto aki e kaso aki a yega na su final i e apsolushon ta bira irevokabel.

Share This
error: Content is protected !!