Tourism Corporation Bonaire (TCB) a yama Amado Vrieswijk bon biní bèk na nos isla dia 29 di sèptèmber 2021.

Amado Vrieswijk a partisipá na Kampionato Oropeo Freestyle 2021 na Rhodos, Gresia i a gana e premio máksimo. TCB a yama nos Kampion bon biní ku un regalo komo muestra di apresio pa su entusiasmo i dedikashon na su pashon pa wentsùrf. Boneiru ta yama bo danki ku bo a pone nos riba mapa i bini kas bèk ku e título.

Amado a gana e título di kampion di e kompetensianan di European Freestyle ProTour Theologos 2021 ku a tuma lugá dia 13 di sèptèmber 2021 na Rhodos, Gresia. Awor Amado ta pa un siman bèk na Boneiru pa rekargá i despues e lo kontinuá ku su treinen na Hulanda pa partisipá den klase olímpiko durante e siguiente evento na Fransia for di 22 te 28 di novèmber 2021.

Representantenan di TCB a yam’é bon biní na su yegada na aeropuerto i a entreg’é un obra di arte trahá lokalmente.

Pabien Amado! Boneiru ta orguyoso di bo.

Share This
error: Content is protected !!