A TOPA SKUTER SIN SHOFÙR

Alrededor di 11.50 or di anochi riba djaweps 30 di sèptèmber, un patruya na warda a topa un skuter sin shofùrstashoná riba sitio di stashoná di un supermerkado situá na Kaya Nikiboko Sùit. E skuter tabatin asta e yabi den kontakto. E agentenan a hiba e skuter warda pa prevení eventual ladronisia. Doño di se skuter por mèldu na warda di polis pa buska e skuter ku un identifikashon bálido, reibeweis i papelnan di seguro bálido.

 

KÒNTRÒL DI TRÁFIKO PLANIÁ

Riba djaweps 30 di sèptèmber, entre 11 or di mainta i 12 or di mèrdia, e aspirantenan a tene un kòntròl di tráfiko planiá na Kaya Internashonal.

Durante di kòntròl aki a para i kontrolá un total di 13 vehíkuloi a duna 12 prosèsferbal.

 

E prosèsferbalnan tabata pa e siguiente violashonnan:

5x manehá sin faha di seguridat bisti

1x manehá sin reibeweis

5x manehá sin seguro bálido

1x manehá sin hèlm bisti

1x uzo di telefòn selular durante ku ta manehá

6x pa sobra violashon ku tin di haber ku estado tékniko di un vehíkulo.

 

DETENSHONNAN

Den oranan di mainta, alrededor di 11.40 or, riba djaweps 30 di sèptèmber a detené un hòmber di inisial A.A.A.S. di 31 aña di edat en konekshon ku un kiebro ku a tumalugá na un sitio di konstrukshon situá na Bulevar Gobernador Nicolaas Debrot.

 

Riba djárason 29 di sèptèmber, alrededor di 9.30 or di anochi, a detené un hòmber di inisial T.M.D.A. di 19 aña en konekshon ku ladronisia. A mira e hòmber riba imágen di vidio despues el a hòrta un baiskel ku tabata stashoná na e skol sekundario situá na Kaya Frater Odulfinus.

 

KIEBRO DEN KAS

Riba djárason 29 di sèptèmber a drenta keho di kiebro den un kas situá na Kaya Uranus. Deskonosínan a kibra drenta e kas alrededor di 12 di sèptèmber dor di a forsa e porta di dilanti. E habitantenan di ekas tabata ku fakansi den eksterior. E malechornan a bai ku un seif kolo pretu di marka Yale ku komo kontenido diferente joya, sènkèsh i yabinan di e kas. Ta investigando e kaso.

Share This
error: Content is protected !!