Bonaire tin un aña di mei den gara di Covid i mirando e medidanan ku tin i ta bai tin kontra libertat di hende ta parse ku demokrasia a bira un “Pandemiakrasia”. Ta Covid 19 ta manehá Bonaire i no esnan konserní.Unda diputado di salubridat ta. Pa sali for di Bonaire tin ku hasi tèsti bo por buska un QR-kode.  Por tende kaba, no di diputado,ku mester bakuná mas ku dos biaha. E punto ta ku lo a bakuná 85% di e poblashon promé ku temporada di orkan kuminsá.i Bonaire ta protehé. Keda bisa bai bakuná no ta e solushon i pió ainda si lider polítiko di MPB, ku no ta e frakshon mas grandi den konseho Insular, ta hasi e pregunta si mester bini ku toke de keda pa esnan ku no ta bakuná. E pregunta aki ta bai kontra integridat, libertati privasidat di hende i ta peligroso. Den nos komunidat chikitu no ta difísil pa sa ken no a bakuná. No ta investigá pa sa e menasa di e vírùs pa personanan ku no ke ni ta bai bakuná, pero ta bai buska pa sa ki nashonalidat nan tin, den kua bario nan ta biba, ki religion nan tin, ki nan edat ta, unda nan ta traha, nan ta soltero òf nan ta forma un famia, ki ta nan orientashon polítiko, ki nan orientashon seksual ta. Di e manera aki bo ta stèmpel hende i ta diskriminá ku e konsekuensia; divishon den komunidat entre Nos i Nan. Henter e sistema di informashon i komunikashon no ta duna resultado pero ken ta responsabel? Konseho Insular, hefe di protokòl, e diputado, gezaghèber òf e hefe di salubridat públiko.Lider di MPB a bini ku e idea pa frena libertat di ekspreshon pa no kritiká su Konseho Ehekutivo. Otro idea fantasma; pone kámara pa kontrolá ken ta shusha Bonaire.E pregunta na Elvis, ki dia esnan ku tin dies aña ta warda tereno ta bini na remarke i ki dia bo Kolegio Ehekutivo ta regla traspaso di kunukunan.Unda e kos nobo a keda?Riba ken ta warda?

 

Share This
error: Content is protected !!