Despues di e anunsio di oumento di e kantidat di buelo for di Merka pa Boneiru, ku orguyo Tourism Corporation Bonaire (TCB) ta yama bon biní na un oumento di e kantidat di buelo for di Amsterdam pa Boneiru ku KLM.

Miles Mercera, CEO di TCB: “Ku anhelo nos ta wardando riba e temporada di wenter binidero i miéntras nos ta sigui traha riba rekuperashon di nos industria di turismo, ku brasa habrí nos ta yama bon biní na e buelonan èkstra. No tin ningun motibu pa no bishitá Boneiru durante e wenter akí.”

Entre 15 di desèmber 2021 i 14 di yanüari 2022 KLM a plania 15 buelo èkstra for di Amsterdam pa Boneiru ku un avion B772.

E buelonan ekstra ta planiá komo lo siguiente: entre 15 di desèmber 2021 i 12 di yanüari 2022 tin un buelo èkstra riba djaluna i djárason. Riba djadumingu 26 di desèmber 2021 tin un buelo èkstra i entre 17 di desèmber 2021 i 14 di yanüari 2022 tin un buelo èkstra planiá riba djabièrnè.

Pa mas informashon bishitá wèpsait di KLM: www.klm.com

Share This
error: Content is protected !!