TRES DETENSHON

Den oranan di anochi di djabièrnè,promé di òktober Kuerpo Polisial Hulanda Karibense a realisá tres detenshon den dos kaso.

Den e promé kaso, despues di a risibí keho di menasa ku arma, agentenan di Kuerpo Polisial Hulanda Karibense a topa e sospechoso den Centrumgebied i a kontrolá e a base di Lei di Arma  BES. A detené e hòmber di inisialnan L.R.D di 30 aña di edat i un muchahòmber di inisial I.d.P  di 17 aña di edat. Durante di e detenshon a konfiská un arma di kandela.

Mas lat riba e anochi agentenan atento a sinti holó di droga i a detené un hòmber di inisialnan

S.L.V di 21 aña di edat. Durante di e detenshon a konfiská diferente saku di droga.

 GRUPO DI HENDE TA MANDA POLIS KU PIEDRA

Den oranan di mardugá di djasabra 2 di òktober, un patruya di polis a dirigí nan mes na Pink Beach kaminda tabatin un aglomerashon grandi di hende. Na yegada di polis a hasi uso di megafon pa pidi públiko presente pa nan bandoná e sitio. Diferente persona presente a kuminsá tira piedra, bòter di glas i otro artefakto den direkshon di polis i e outonan di polis. Mirando e peliger agentenan a los diferente tiru di atvertensia pa asina ei por logra habri e grupo. No ta toleráe tipo di akshonnan aki i polis lo atendé fuerte ku esnan ku a hasi nan mes kulpabel na esaki. E kaso ta bou di investigashon.

Share This
error: Content is protected !!