Kralendijk – Tur aña e departamento di haf tin un seshon di entrenamentu huntu ku Rijkswaterstraat (RWS) riba un posibel kalamidat ku zeta aki na Boneiru. Un tim multidisiplinario a asistí na esaki durante dos dia di entrenamentu.

E tim ta konsistí di diferente unidat. Den e entrenamentu a partisipá entre otro Brantwer, Warda Kosta, Stinapa, KTK di Kòrsou, kantor di haf, Departamento di Supervishon i mantenshon di lei i tambe kordinadó di kalamidat di Entidat Públiko Boneiru.

Rijkswaterstraat (RWS) ta e departamento enkargá ku kalamidat.  Pa esaki RWS tin tambe e kontakto direkto ku hefe di haf den kaso di un insidente riba laman.  RWS ta na Boneiru tur aña pa asina pasa nan ekspertisio i konosementu. Banda di e entrenamentu di RWS Ministerio di Infrastruktura a kumpra diferente material pa Boneiru.

Durante di e workshop e aña aki RWS a duna informashon relashoná ku tareanan ku RWS ta ehersé. Tambe a trese dilanti e diferente téknika pa kombatimentu di insidente ku un bista riba kalamidat ku zeta. Ademas ta organisá diferente entrenamentu ku ‘infaltableoilbooms, skimmerpumpen en currentbuster’. Tur e material nan aki ta espesialmente pa un kalamidat ku zeta riba laman.

 

Share This
error: Content is protected !!