Kòntròlnan di tráfiko planiá
Riba djamars 5 di òktober den oranan di atardi a tene kòntròlnan di tráfiko na altura di Kaya C.E.B. Hellmund i Kaya Carlos A. Nicolaas. Durante di e kòntròlnan aki a kontrolá un total di 37 vehíkulo kaminda a duna prosèsferbal pa e siguiente violashonnan:

3x pa manehá sin faha di seguridat bisti
5x pa manehá sin seguro
2x pa manehá sin reibeweis
1x pa uzo di telefòn durante ku ta manehá

KPCN ta preokupá tokante e kantidat grandi di aksidentenan ku herido ku ta tumando lugá últimamente. Bistimentu di faha di seguridat den outo i hèlm riba bròmer /skuter ta yuda ku tin ménos herido.

Uzo di telefòn bou di stür ta un gran malechor. Na momentu ku nos uza nos telefòn, nos ta ménos alerta. Ora atendé ku radio, kome òf ta di focus muchu riba e tráfiko nostras, duranteku nos ta manehá, tambe ta un distraishon grandi. Pone bo telefòn riba ‘flightmode’ i pone for di bo bista. Asina bo ta prevení e tentashon pa wak tòg. Ora bo ta tuma parti den tráfiko ta importante pa bo ta presente konsientemente. Si bo ta ferwagt un app òf yamada, mèlduadelantá , promé ku bo subi outo, ku bo no ta bai ta alkansabel pa un ratu.

A kita reibeweis di shofùr fuma
Den oranan di mardugá di djaluna 4 di òktober apara un outo pa kòntròl despues di kua a resultá ku e shofùr tabata bou di influensia di alkohòl. Su reibeweis i seguro tambe a kaduká. A detené e shofùr, a kita su reibeweis i el a haña un prosèsferbal pa manehá sin reibeweis i seguro bálido. A bai ku e outo warda te ora ku por mustra un reibeweis i seguro bálido.

Aksidente ta resultá den maltrato i destrukshon
Riba djamars 5 di òktober un aksidente entre un bus i outo a tuma lugá riba Kaminda Djabou. E bus, ku yen di mucha aden, a bèk pa sali for di un sitio di stashoná i hasiendo esaki no a mira e outo ku tabata biniendo, ku komo konsekuensia ku e outo a dal den banda di e bus. Shofùr di e outo a bira histériko komo ke el a kere ku su yunan ku tabata den outo, tabata herida dor di e choke. Ela baha for di su outo i a trata na ranka shofùr di e bus saka for di den e bus. Seguidamente el a dal e shofùr di e bus den su kara. Despues ela kue algun baranka i a kibra e glasnan di e bus. A detené e shofùr di eouto, un hòmber di inisial S.I.V. N, di 35 aña, en konekshon ku maltrato i destrukshon. Niun di e muchanan, niámbosshofùr no tabata herida a konsekuensia di e aksidente.

Outo na kandela
Den mardugá di djamars 5 pa djárason 6 di òktober, sentral di polis a risibí notifikashon ku un outo, pa motibu ainda deskonosí, a kore drenta mondi na altura di Kaminda Djabou. A konsekuensia di e impakto e outo a pega kandela. Brantwer i abin na e sitio i a paga e kandela. Personal di ambulans a atendé na e sitio mes ku e shofùr.

Share This
error: Content is protected !!