“Always with you”, Sèmper ku bo, ta e lema e aña aki pa e luna internashonal di e malesa di kanser na pechu. Pa pone mas atenshon i yuda ku konsientisashon, abo tambe por duna un man. Stichting Prinses Wilhelmina Fonds Bonaire ta invitá bo pa partisipá na nos “October Challenge”.

Ta fasil pa partisipá:

1.Saka un potrèt di bo grupo bisti na blanku i/òf roos.Òf kisas ku sinta roos ku por buska na nos sentro na Kaminda La Union 11. Bo por hasi un adorno tambe i hasi

esaki parti di bo pòtret. E idea ta pa hasie den grupo di trabou, grupo sosial,

grupo deportivo, grupo di famia òf grupo di amigu. E no mester ta hende muhe so.

2.Traha un lema.

3.Manda bo pòtrèt i lema pa Ray Production, ku ta kordiná e parti aki.

Mail e na rayproduction@hotmail.com. Na momentu ku pone esaki riba e pagina di facebook di Prinses Wilhelmina Fonds, ta laga bo sa ya bo por like i share esaki.

Por hasi esaki te ku dia 29 di òktober 2021. Despues di e fecha aki un kuerpo di

hurado lo saka e ganadornan di e challenge aki. Pues soru pa bo pòtrèt ta original i ta yuda konsientisá. Nos ta ansioso pa mira tur e pòtrètnan ku lo partisipá den e “October Challenge”.

Pa kualke pregunta i of informashon por tuma kontakto ku nos na 796 9798. Por sigui nos tambe via facebook.com/PrinsesWilhelminaFondsBonaire.

Direktiva di Stichting Prinses Wilhelmina Fonds Bonaire

Share This
error: Content is protected !!