SINT EUSTATIUS – Ayera, djamars 5 di òktober 2021, un hefe di agente polisial a keda sentensiá
dor di Korte Komun di Hustisia na Sint Eustatius pa trafikashon di hende i falsifikashon di
dokumento. E agente en kuestion a laga un muhé for di Repúblika Dominikana bini Sint Eustatius.
E la regla su petishon na IND den kual e la indiká ku ta pa reuní nan dos. Despues di un
investigashon a resultá ku esaki no tabata bèrdat. For di investigashon a sali na kla ku no tabatin
ningun tresementu di famia huntu. E agente sospechoso tabatin komo funshon adishonal
supervishon di estranhero ku e tarea spesífiko di deportashon di estranhero. E lo mester ta sa
mihó e regla i prosedura di imigrashon.
Hues a kondená e agente na un kastigu di prizòn di nuebe luna di kual tres kondishonal ku un
periodo di prueba di dos aña. A tene kuenta na momento di sentensia ku e konsekuensianan pa
e agente envolví.
E investigashon a wòrdu ehekutá door di Reshershi di Reino (Rijksreche rche) bou di mando di
OMBES. Reshershi di Reino ta investigá echonan kastigabel dor di amtenar di gobiernu, entre otro
polis. For di aña pasá, Reshershi di Reino ta permanentemente naKaribe Hulandes (Boneiru, Sint
Eustatius i Saba) ku nan base na Boneiru. Riba e wèpsait: www.rijksrecherche.nl
por haña un splikashon di e trabou di Rijksrecherche

Share This
error: Content is protected !!