Den e prome mitar di aña 2021 Fundashon Boneiru Limpi i Bunita i Selibon NV a pone diferente baki grandi pa shushi den barionan na Boneiru. Den e luna di Aprel a pone baki den e bario di Rincon, den luna di Mei a pone baki den Belnem i na Yüni i Yüli a dediká atenshon na e bario di Nikiboko. Durante e luna di Ougùstùs i Sèptèmber a tuma un pousa i awor ta bai sigui ku e kampaña aki. E siguiente bario na turno ta e bario di Tera Kòrá.

 

Durante e wikènt di 8 pa 10 òktober 2021, nos lo pone baki den e siguiente kayanan:

  • Kaya Maranon
  • Kaya Karañito
  • Kaya de la Plata
  • Kaya Monseigneur Nieuwindt, na Sentro di Bario Tera Kora

 

E tipo di shushi aki ta ser aseptá den e bakinan:

  • Shushi gròf (manera stul òf mesa bieu, kashi, kama i kolchon).
  • Shushi di kurá (manera foyo, rama i palu).

 

Tene na kuenta ku:

  • Aparatonan elektróniko (manera frishidèr, wasmashin, televishon), eternit i/òf otro tipo di material ku por kontené asbèst mester mèldu na Selibon NV pa por rekohé apart.

 

Share This
error: Content is protected !!