Kralendijk 6 di òktober 2021 – Djamars 5 di òktober último a sali pa Europa Sion Janga komo úniko representante di área di Caribe pa partisipá na EuropeanYouthEvent na Strasbourg Fransia. Un evento kaminda hóbennan di rònt Europa i mundu ta bini huntu.

Riba inisiativa di Samira Raphaela,Sion Janga a haña invitashon komo representante di BITlab pa partisipána e evento di European Youth Event (EYE), kaminda hóbennanta bini huntu pa interkambiá ideanan. EYE tin komo meta:stimulápartisipashon aktivo di e siudadano bou di hóbennan Europeo. Den e evento di EYE míles di hóben di 16 pa 30 aña ta bini huntu pa interkambiá ku esunnan ku ta responsabel pa maneho i otro personahenan di influensia riba temanan manera e.o. durabilidat, igualdat i inklusividat. E aktividat aki ta tuma lugá fin di siman aki dia 8 i 9 di òktober na Strasbourg na Fransia.

BITlab ta un organisashon di hóbennan di nos islanan ku ta studia òf a kaba di studia ku ta riba nos islanan òf den eksterior. E hóbennan aki ta boga pa partisipashon den maneho i buska solushonnan pa problemanan di nos komunidat. Nan ta atendé ku diferente áreanan riba kua nan a studia i profundisá nan mes.

E tópikonan di durabilidat, igualdat i inklusividat ta tópikonan ku M21 tambe tin haltu den nos bandera. Por kontranan tambe den e.o. e Manifesto ku M21 a publiká resien na nos lansamentu.

Sion Janga ta forma parti di nos organisashon M21 i komo tal nos ta sostené 100% den e oportunidat aki, kaminda nos a duna tambe algun “pointers” pa ku e evento.

Nos komo M21 ta orguyoso di e logronan aki di BITlab i Sion Janga i ta dese’é tur klase di éksito pa ku su bishita na Europa.

Share This
error: Content is protected !!