Durante simannan transkuri, Ofisina di Turismo a duna rekonosimentu na 9 huespet komo embahador di Boneiru, den kategorianan bròns i platino. Shete di e huespetnan ta prosedente di Merka i 2 prosedente di Hulanda.

Den kategoria di bròns a rekonosé Bryan Poulson ku ta bishitando nos isla pa 10 aña. Scott Appelt, Susan Ring konhuntamente ku Sandra Oliver i Mary Hansley tur ku respektivamente 12 aña di bishita na Boneiru. Mientras Paul Franssen i Miranda van Leer di Hulanda ta keda rekonose pa nan di 10 aña di bishita na Boneiru.

Pareha Doug i Diane Gasalberti prosedente di Merka ta bishitando Boneiru pa 40 aña i ta keda honra komo ‘Platinum Ambassadors’. Tabata Rolando Marin, Joanny Trinidad i Angelo Domacasse ku a hasi entrega di medaya i sertifikado na nos embahadornan di Boneiru.

Pa mas informashon por tuma kontakto ku Helen Mercera-Thodé na e-mail helenthode@tourismbonaire.com òf 717-8322.

 

Share This
error: Content is protected !!