Nos ta hopi kontentu pa anunsiá ku nos a inisiá un koperashon ku Michiel van Bokhorst i ku nos lo sigui oponé e desaroyo na bachelor beach. “Nos poblashon lokal i nos futuro generashonnan mester por gosa di nos playanan!”

Nos ta warda riba reakshon di Kolegio Ehekutivo, miéntras nos ta sigui buska firma pa para e desaroyo.

YUDA NOS:

* firma e petishon na AVAAZ, mira e lenk riba e grupo di Facebook Bachelor Beach /Playa Forni Kalki Development

* kompartí e lenk riba Facebook, Twitter otro medio sosial

* buska un kopia di papel di e karta i lista di firma na Bonaire Human Rights Organization [Kaya Libertador Simon Bolivar 26]

* KONTA OTRO DI E DESAROYO, yuda nos konsientisá mas hende tokante kiko ta pasando.

 

ECHONAN & SUGERENSIANAN:

  • Nos por bisa ku djadumingu 3 di òktober tabatin un kantidat rèkòrt di outo na Bachelor Beach! Playa Palu di Mangel, Te Amo tambe tabatin hopi outo i hende. Nos por konkluí: Nos poblashon lokal i turistanan ta gosa “AS IS”. Dikon kambia????
  • Por usa plaka i trabou pa otro proyekto ku prioridat haltu [pa menshoná algun: sera e burakunan mas grandi den kaya, iluminashon di E.E.G. blvd, stashonamentu .. spesialmente na hòspital….hopi mas ainda ..
  • Parke pa hunga lo ta hopi bon den bario .. no ta nesesario na playa
  • Wifi den tur Sentro di Bario na lugá di na Bachelors Beach
  • Por duna pèrmit na un trùk di pan: benta di pastechi, djònikeik, awa di tamarein, awa di lamunchi etc. … na Bachelor Beach  (turistanan por gosa di snèk lokal)
Share This
error: Content is protected !!