Dutch Caribbean Nature Alliance (DCNA) ta invitá studiantenan den edat di 12-14 aña ku ta biba na Aruba, Boneiru, Kòrsou, Saba, Sint Maarten, ku Sint Eustatius pa partisipá na e segundo edishon di e Big Live Nature Quiz pa Kids! E ta grátis, online, live, interaktivo i ta kontené pregunta tokante animalnan di Karibe Hulandes. E kues grasioso akí ta na ingles pero e preguntanan lo ti suptítulo hulandes i papiamentu. Diferente skol di hinter Karibe Hulandes lo tuma parti. Studiantenan por partisipá for di kas òf na eventonan di skol. Tuma kontakto ku DCNA awe, pa tende kon por organisá un evento na bo skol! Bo por djòin bo so òf forma un tim di por máksimo amigu/famia/kompañero di klas. E tim ganadó ta gana un paseo pa bai snòrkel ku boto di bela rònt di su isla. No keda sin registrá partisipashon na biglivenaturequiz.org.

Dia i Orario

Ta invitá studiantenan di e seis islanan di Karibe Hulandes den edat di 12-14 aña pa partisipá na e di dos edishon anual di Big Live Nature Quiz pa hóben. E kues lo tuma lugá riba djárason 20 di òktober, di 10:00 or am – 11:30 or am AST.

Tim

Djòin bo so òf forma un tim di por máksimo 4 amigu/famia/kompañero di skol.

Sitio

Bo por partisipá na dos forma. Partisipantenan por hunga online for di kas huntu ku amigu i famia òf por tuma tuma parti na un di e hopi eventonan den klas di skol!

Reservá bo lugá

Grupo konsistiendo di unu te ku kuater miembro mester registrá adelantá na biglivenaturequiz.org pa por partisipá.

Rekisito

No ta nesesario pa prepará òf studia materia adelantá, pa e kues.  Tur loke bo mester pa partisipá ta registrashon online (biglivenaturequiz.org), konekshon di internèt, un kòmpiuter, un telefòn pa duna kontesta di e preguntanan i un bon aktitut.

Si bo ta forma un tim i djòin for di kas, bo mester ta presente físikamente na 1 kòmpiuter i bo mester tin 1 telefòn selular pa tim pa manda kontesta aden.

Si bo ta djòin for di bo skol bo mester solamente registrá online (biglivenaturequiz.org), i bini ku un telefòn selular òf un aparato smart pa manda kontesta aden.

Tema: Animalnan di Karibe Hulandes

E kues lo konsistí di 35 pregunta multiple choice tokante kos interesante pa sa. E kues lo ta na ingles pero lo tin suptítulo na hulandes i na papiamentu. Lo tin sinku kategoria: Animalnan Marino, Animalnan Terestre, Espesienan Spesial, i Hende ku Naturalesa.

Premionan

E tim ganadó ta gana un paseo ku boto di bela pa bai snòrkel rondó di nan isla. E timnan na di dos i terser lugá lo risibí t-shirt ku sombré.

Kues anual pa adulto i mucha

DCNA ta sostené Aruba National Park Foundation, STINAPA Bonaire, CARMABI na Kòrsou, Saba Conservation Foundation, STENAPA na St Eustatius i Nature Foundation Sint Maarten, entre otro ku nan programanan di edukashon di naturalesa. E online Big Live Nature Quiz ta kreá pa eduká siudadanonan tokante konservashon di naturalesa na un manera grasioso i interaktivo, pa krea orguyo pa naturalesa di e islanan, enkurashá práktikanan benefisio pa naturalesa, sostené proyektonan di konservashon di parkenan, i pa trese hende rònt Karibe Hulandes den kontakto ku otro. Esaki ta un evento di kada aña pa adulto i mucha. E siguiente edishon pa Adulto ta planiá pa primavera di 2022.

Big Live Nature Quiz ta haña fondo di manera generoso di parti di e Ministerio di Agrikultura, Naturalesa i Kalidat di Kuminda (LNV) i DCNA su aktividatnan ta haña supsidio di parti di Postcode Loterij di Hulanda.

Sigui Big Live Nature Quiz

Chèk DCNA su Facebook (Dutch Caribbean Nature Alliance), Instagram (DCNAnature) òf biglivenaturequiz.org. Si bo por tin kualke pregunta, manda bo mensahe di imeil pa projects@DCNAnature.org òf yama nos na tel +599-717-5010.

Share This
error: Content is protected !!