Kralendijk – Riba djaluna 27 di sèptèmber a organisá e evento TravDay, e promé evento di biahe ‘face to face’ despues di un interupshon largu komo konsekuensia di e pandemia di Covid-19. Ambiente na e evento no por tabata mihó, pasobra tur partner turístiko tabata entusiasmá pa topa otro atrobe. Un ambiente amabel i kaluroso ku Boneiru a pas bon den dje.

E evento TravDay ta un evento internashonal di biahe ku Travel Media ta organisá, kaminda representantenan di entre otro ofisinanan di turismo, agensianan di biahe, operadornan di ‘tour’, akomodashonnan, kompanianan di aviashon, hürdónan, kompanianan di seguro, aeropuertonan i ICT ta para kla pa proveé boso di e último informenan tokante nan produktonan i servisionan.

Ku éksito di e evento i e mas di 650 profeshonal di biahe den Gooiland Hotel na Hilversum, Boneiru a hala atenshon sigur i a atraé hopi profeshonal di biahe ku ta kurioso pa sa mas detaye tokante nos bunita isla. Nos stènt kolorido tabata na enkargo di Sander Langeveld, persona di kontakto di TCB na Hulanda.

Gustosamente Tourism Corporation Bonaire ke gradisí henter e tim di Travel Media ku nan a organisá e eksitoso evento akí i ku nan a duna Boneiru e oportunidat pa presentá nos isla na profeshonalnan di biahe hulandes. Nos ta spera un bon koperashon ku e profeshonalnan di biahe i un bunita futuro pa turismo na nos isla.

 

Share This
error: Content is protected !!