Mi a lesa i tende reakshon di esnan ku a konosé i tende di Aubrey pero en realidat no konosé Aubrey. Ningun a papia di nifikashon di morto di Aubrey.Mi ta sigur ku ta nan “Obs” ku a muri  nan a konosé i ke ten’e na bida.Ta rekuerdo, memoria i imágen di kiko Obs a hasi i nifiká pa nan. E pregunta ku su konosínan no a hasi ta: Ken Aubrey tabata òf ken tabata Aubrey. E grupo di hende ku a konosé Aubrey, no Obs, ta chikitu. Nan ta: su mayor, ruman, amante, sua, kuñá, subrinonan, kasá, yunan, ku i sin doló, su tanta Emma, brudernan di Brakapoti, Angelica Bernabela-Domacassé, Julio i Da Abraham-Craane, famia Wijman, Nicolaas, Kroon i MarioEmerenciana. Mi ta di pensamentu ku morto no ta fin: ta un emansipashon temporal ku Aubrey ta risibí na momentu ku lei di hustisia a determiná ku su kurpa i ambiente a kumpli ku nan meta, òf ora Aubrey a ripará ku e ta muchu kansá pa sufri kargando e peso di eksistensia físiko. Pa Aubrey morto no ta nada otro ku resusitá for di e  tortura doloroso di e kurpa i lanta den pas i trankilidat. Esaki ta un sosiegu bendishoná pa Aubreyku nos konosé.Mi ruman hiba kumindamentu pa nos hendenan: mama, tata, Freddy, Pangracio i Eveline. .

.

Share This
error: Content is protected !!