Tourism Corporation Bonaire a firma kontrato kolektivo nobo ( CAO) pa su empleado nan ku sindikato ABVO. Después di kasi 2 aña, esaki ta keda kristalisa. Negosashon nan tabata andando pa logra esaki. Señor Miles Mercera, director di TCB ta kontentu ku porfin por a finalisa esaki. Mester hasi menshon tambe ku shopsteward nan Sra. Joanny Trinidad i Sr. Rolando Marin a duna nan aporte pa konkretisa esaki. Komo Direktor di TCB, mi ta hopi kontentu ku e logro aki pa duna kontenido na e fundeshi di TCB, kual ta nos empleado nan. Pa ami, nos empleado nan ta representa 100% di nos logro nan komo organisashon i sektor i awe nos a perkura pa nos team tin tur loke ku nan tin mester pa por funshona den un era nobo di trabou i pa logra nos meta nan pa e aña benidero. Pabien na tur empleado i muy  espesial kolega nan Marjolein Oleana i Joanny Trinidad ku a forma un parti importante den e proseso aki. TCB ta kontentu ku nos por sigi konta ku e aporte di ABVO.  Riba kombinashon di potret por apresia momentu ku a firma e CAO nobo den presensia di Sr. Robert Sances, presidente-sekshon Bonair e i tambe Sr.Miles Mercera director di TCB.

Share This
error: Content is protected !!