Ya ta posibel pa hasi deklarashon di Inkomstenbelasting 2021 online. Esaki ta posibel for di aña pasá via www.MijnCN.nl. Via e plataforma aki por garantisá mihó seguridat i efisiensia di e servisionan online.  Hopi ta esnan ku a hasi nan deklarashon online aña pasá. Nos ta spera  ku esaki lo ta e kaso tambe e aña aki. E bentaha di hasi deklarashon online ta ku esaki ta mas rápido i fásil. Den mayoria kaso bo por mira inmediatamente kuantu sèn lo bo haña bèk òf bo tin ku paga. Tambe, ta manda un konfirmashon mes ora (digital) na momentu ku entregá e deklarashon. Bo por ‘log in’ na mijncn.nl/mijncn-diensten/belastingdienst-caribisch-nederland . Si ainda bo no tin un kuenta, bo por registrá na e lenk ariba menshoná.
Den e di dos siman di febrüari, Belastingdienst lo kuminsá manda e invitashonnan pa por hasi deklarashon. Esaki ta tuma lugá via pòst.
E aña aki, mester entregá e deklarashon di Inkomstenbelasting pa mas tardá 16 di mei.

Share This
error: Content is protected !!