Demokrasia ta enserágoberná pa medio di pueblo ku den un elekshon a skohe su representantenan den Konseho Insular. Na 2019 MPB/UPB a forma Kolegio Ehekutivo i DP a bai den banki di oposishon. Otro aña na mart tin elekshon pa Konseho Insular i pa miembronan di Kiescollege skohe miembronan di EersteKamer na Hulanda. Siman pasá un delegashon di miembronan EersteKamer, ku Kiescollege di Bonaire, tambe a skohe miembro. Un reunion ku e delegashon a para pa motibu ku no tabatin kuórem. A bini un tiramentu di falta riba otro pa splika ken ta kulpabel. Esaki ta polítika di no tuma responsabilidat bon konosí na Bonaire. Punto ta, e asuntu di reunion porta será òf porta abrí. Un miembro di presidium mester a trese e punto aki dilanti. Argumentá ku tipo di enkuentronan asina semper ta porta será mester splika e argumentonan tambe.Asuntu di sera konosí ta argumento fofo. Ami ta kalkulá ku ke a pasa presidente di komishon un fastball i ta papia pa skohe un otro presidente. Esaki ta wega shushi.

Reunionnan ku representantenan di pueblo no ta porta será. Bonaire tambe a skohe miembronan di EersteKamer ku tambe ta disidí riba leinan pa islanan BES.  Pues e reunion mester tabata unu polítiko ku porta abrí. E tendensia di reuní ku porta será ta algu a – demokrátiko ku rumbo pa diktadura di partidonan ku ta faboresé e tendensia aki. Tin mas ehèmpel di reunion porta será. A tene tayer tokante polítiko di tereno ku porta será. Tin mas di mil petishon pa tereno, pero kos mester bai kuchikuchi meskos ku e Himno kambiá, A reuní ku porta será ku SamiraRaphaela, miembro di Parlamento Europeo ku tambe bonerianonan a vota pa su persona.

Share This
error: Content is protected !!