Ofisialmente a deklará tresementu di opheto prohibí den institutonan hudisial kastigabel na Hulanda Karibense. E Kódigo Penal BES ta hasi persekushon penal di persona ku ta purba trese opheto di kontrabanda paden posibel. Instituto Hudisial Hulanda Karibense (JICN) for di awor ta bai hiba un maneho mas estrikto riba e lei aki i for di awor en adelante lo hasi denunsia kontrapersonanan ku ta purba trese kontrabanda prohibí paden.

Na institutonan hudisial no ta prohibí solamente opheto ku no ta permití den sosiedat liber, manera arma i droga. Tambe sierto opheto di kua e poseshon pafó di e instituto no ta ilegal, na institutonan hudisial tòg por ta prohibí. Den esaki ta trata di opheto di kua e poseshon òf uso ta pone e órden i seguridat den e instituto na peliger. Ehèmpel di esaki ta telefòn, hèrmènt i portadó di informashon manera ‘usb-stick’.

Poseshon di e ophetonan prohibí aki den e instituto ta oumentá e riesgo ku  delinkuentenan ta sigui ku aktonan kriminal durante nan sentensia òf medida. Ademas e ta stroba un bon re-integrashon di detenido. Mantenshon estrikto riba hasimentu kastigabel di trese kontrabanda paden ta sigui deskurashá hende pa trese kontrabanda pa delinkuentenan.

 

Share This
error: Content is protected !!