Kralendijk Tourism Corporation Bonaire (TCB) huntu ku Wedoe ta organisá e promé Bario Festival. E evento lo tuma lugá riba djasabra 2 di aprel 2022 na Plaza Chiku Goeloe Antriol for di 5 or pa 9 or di anochi den un tremendo ambiente. Relashoná ku Siman di Mucha e tema ta ‘e hóben komersiante’.

E programa lo bai ta kargá ku músika, talento hóben i ta bai tin vários stènt ku ta bende kuminda lokal. Agrupashon musikal Formashon Musikal Krioyo lo ta presente pa animá e anochi aki.

Pa duna e Bario Festival un toke mas atraktivo den e parti di shou tin presentashon di Ace Kids Club, Kas di Musika Brass Band, Modeshow di Aimee Fashion, DC Rappers, DJ Kiart i DJ Roch.

TCB ta yama danki na e partnernan ku ta koperá ku e Bario Festival, spesialmente na e organisashon di Wedoe, MCB, Selibon i TUI.

Nos kier a ekstendé un invitashon na pueblo di Boneiru i tambe na tur nos bishitantenan pa bin pasa un ratu ameno huntu ku nos riba djasabra 2 di aprel den e promé edishon di Bario Festival ku ta tuma lugá na Antriol na Plaza Chiku Goeloe. Bin apoyá nos hóbennan talentoso!

Share This
error: Content is protected !!