Mayor perhudiká den e asuntu di pago adishonal pa mucha na Hulanda Karibense denter di poko por akudí na Belastingdienst Caribisch Nederland (BCN) pa ayudo i sosten. BCN ta bai sostené mayor perhudiká riba tereno di: famia, finansa, trabou i entrada, bibienda i kuido. BCN ta hasi loke ta nesesario pa yuda mayor perhudiká i su famia pa bolbe organisá su bida. Espektativa ta ku e tim speshal di sosten lo start den e di dos mitar di mei.

Programa di entrenamentu pa kolaboradó di BCN

Mayor perhudiká na Hulanda por tuma kontakto ku e munisipio unda e ta biba pa ayudo i sosten. Pa mayor perhudiká na Hulanda Karibense esei no ta posibel for di un munisipio na Hulanda. Pa e motibu ei ta bin un tim speshal di sosten na BCN pa e mayornan perhudiká na Hulanda Karibense. Kolaboradónan den e tim akí ta haña promé un programa di entrenamentu. Vereniging van Nederlandse Gemeenten (VNG) i un kolaboradó di munisipio Rotterdam ta duna e programa di entrenamentu akí.

Tim di servisio UHT ta yama mayor perhudiká pa pèrmit pa interkambio di dato

Den pasado hopi kos no a bai bon ku e pago adishonal pa akohida di mucha. Inhustamente a para e pago adishonal pa akohida di mucha di un kantidat grandi di mayor. Desde 2020 e asina yamá Uitvoeringsorganisatie Herstel Toeslagen (UHT) ta traha pa drecha loke no a bai bon serka e mayornan perhudiká. UHT tin dato personal di mayor perhudiká na Hulanda Karibense ku anteriormente a mèldu su mes serka UHT. No ta posibel pa UHT kompartí e datonan akí sin mas ku BCN. Pa e motibu ei e Tim di Servisio personanan perhudiká Pago adishonal di UHT na komienso di mei ta tuma kontakto telefóniko ku tur mayor perhudiká na Hulanda Karibense. UHT despues lo puntra si e tin mag di kompartí algun dato di e mayornan perhudiká ku BCN. Durante e kombersashon telefóniko UHT ta splika ta di kua dato ta trata. Ta te despues di aprobashon di e mayornan perhudiká numa, ta kompartí e datonan di kontakto ku BCN. BCN for di medio mei mes lo tuma kontakto ku e mayornan perhudiká.

Sosten riba sinku área

E tim di sosten di BCN ta ofresé e mayornan perhudiká sosten amplio riba e 5 áreanan di bida (finansa, kuido, bibienda, trabou i famia). Ademas e kontrol ta den man di e mayor perhudiká. E mayor ta skohe libremente si ta hasi uso di e sosten amplio. E tim di sosten di BCN pa e motibu ei no ta tuma kontakto ku e mayornan perhudiká ku no a duna pèrmit pa kompartí nan datonan. Esei ta nifiká e ora ei ku e tim di sosten no por sigui yuda e mayornan ei ku por ehèmpel trabou òf kuido.

Registrashon pa rehabilitashon

Algun mayor perhudiká ku awor ta biba na Hulanda Karibense ainda no a mèldu su mes na UHT. E mayornan akí por mèldu nan mes serka UHT si nan ta kumpli ku e siguiente kondishonnan:

  • nan a risibí pago adishonal pa akohida di mucha tempu ku nan tabata biba na Hulanda;
  • a para e pago adishonal pa akohida di mucha akí entre 2005 i 2019 i e mayor no sa dikon;
  • e mayor no tabatin kontakto ainda ku UHT tokante esaki.

Un mayor ta kumpli ku e kondishonnan akí? E ora ei e mayor por mèldu su mes serka UHT. UHT ta wak e ora ei si e mayor ta bin na remarke pa rehabilitashon.

Registrá pa rehabilitashon serka UHT

Mas informashon Toeslagen Herstel – website voor gedupeerde ouders (belastingdienst.nl)

Share This
error: Content is protected !!