Kralendijk, 5 di mei 2022. Fundashon Mariadal mes ta produsí oksígeno pa aplikashon médiko. Ku esaki nos hòspital ta e promé i e úniko riba teritorio hulandes ku un fábrika chikitu di oksígeno. E fábrika chikitu akí ta produsí oksigeno pa tur departamento kaminda oksígeno ta sali for di muraya. Ambulans i Kas di Kuido ta haña disposishon di bòter di oksígeno. Ku su propio produkshon di oksígeno nos hòspital ta hasi e disponibilidat di oksígeno pa kuido mas grandi. E ora ei e instansianan di kuido no ta dependé mas di suministro ku barku i nan no tin molèster mas di influensia di wer durante por ehèmpel temporada di orkan.

Share This
error: Content is protected !!