E siman aki servisio di Imigrashon i Naturalisashon Hulanda Karibense (IND CN) ta brinda treinen di kontrolá dokumento (Documenten Controle 1, DOC1) na propio empleado i partner den e kadena di imigrashon. Den e treinen básiko aki e partisipante ta siña kon e por kontrolá dokumento (balioso) riba outentisidat. Lo trata entre otro vários téknika di imprenta, proseso di fabrikashon i aspekto legal. Ta pone atenshon riba vários tipo di dokumento manera pasport, prueba di nasementu i matrimonio i visa, unda e enfoke lo ta spesialmente riba dokumento for di den region. Ta duna e treinen den dos klùster na un kantidat di 18 empleado di IND, SZW, Entidat Públiko i KPCN, tantu na Boneiru komo na Saba i Sint Eustatius. Roosmarijn Sluiseman, liason ofisial di imigrashon di IND ku ta traha na Panama, a duna e treinen. Riba e potrèt por mira e 11 partisipantenan di e promé klùster, ku a finalisá e treinen ku éksito. E resto di 9 partisipante lo terminá e treinen fin di siman aki.

Share This
error: Content is protected !!